Dinı qyzmetkerler jınalǵandarmen birge duǵa etip, beıbitshilik pen kelisimniń mańyzy týraly ýaǵyzdar oqydy. Memorıalǵa kelýshiler úshin meshitterde túski eske alý astary uıymdastyrylyp, kólik daıyndaldy. Búgin qala meshitterinde qurbandyq shalý rásimderi de ótti.
Eske salsa, buryndary Almaty ákimi Erbolat Dosaev, qoǵam qaıratkerleri men shyǵarmashylyq zıaly qaýym ókilderi qańtar oqıǵalary kezinde qaza tapqandardy eske alý úshin Almatynyń Ortalyq meshitinde quran baǵyshtap, "Qurban shalý" rásimin jasaǵan bolatyn.
Meshitke kelgenderdiń qatarynda QR Ulttyq Ǵylym akademıasynyń prezıdenti Murat Jurynov, jazýshy, QR Memlekettik syılyǵynyń laýreaty Nurlan Orazalın, "Turan" ýnıversıtetiniń rektory Rahman Alshanov, "Ana tili" gazetiniń bas redaktory Qalı Sársenbaı, túrki memleketteri uıymy Aqsaqaldar keńesiniń múshesi Ikram Adyrbekov, respýblıkalyq "Ardagerler uıymy" qoǵamdyq birlestigi Almaty qalalyq fılıalynyń tóraǵasy Aqan Bıjanov, "Juldyz" jýrnalynyń bas redaktory Mereke Qulkenov, Qazaqstan Jazýshylar Odaǵy tóraǵasynyń orynbasary Aqberen Elgezek jáne t.b. bar.
