25-28 قىركۇيەك كۇندەرءى ارالىعىندا الماتىدا گيبريدتى فورماتتا قازاقستان بالالار انەستەزيولوگتارى مەن رەانيماتولوگتارىنىڭ رەسپۋبليكالىق عىلىمي-پراكتيكالىق كونفەرەنسياسى ءوتتى.
ەكى كۇنگە بويى وتكەن كونفەرەنسيا جۇمىسىنا رەسەي، وزبەكستان، قىرعىزستان، تۇرىك، ليتۆا ەلدەرىنىڭ بىلىكتى ماماندارى، مەديسينالىق جوو رەكتورلارى مەن پروفەسسورلارى، عىلىمي ينستيتۋتتاردىڭ جەتەكشى ماماندارى مەن باسشىلارى، سونىمەن قاتار، ءوز ەلىمىزدىڭ جانە شەت ەلدىڭ بالالار انەستەزيولوگتارى مەن رەانيماتولوگتارى، بالالار مەن نەوناتالدىق انەستەزيولوگيا جانە قارقىندى تەراپيا سالاسىنىڭ جەتەكشى ماماندارى، جالپى سانى 500-دەن استام دارىگەرلەر قاتىستى.
باس قوسۋدىڭ سالتاناتتى اشىلۋ قازاقستان رەسپۋبليكاسىنىڭ دەنساۋلىق ساقتاۋ ءمينيسترى اقمارال ءالنازاروۆانىڭ، «انەستەزيولوگتار جانە رەانيماتولوگتار فەدەراسياسى» رقب پرەزيدەنتى، پروفەسسور ەرعالي ميەربەكوۆتىڭ، پەدياتريا جانە بالالار حيرۋرگياسى عىلىمي ورتالىعىنىڭ باسقارما ءتوراعاسىنىڭ عىلىمي جانە يننوۆاسيالىق قىزمەتتەر جونىندەگى ورىنباسارى ليازات مانجۋوۆانىڭ جانە تۇركيا، رەسەي جانە ت.ب. شەت ەلدەردەن كەلگەن قوناقتاردىڭ قۇتتىقتاۋ العى سوزىمەن اشىلدى.
«بالالار دەنساۋلىعىن ساقتاۋ مەن قورعاۋ مەملەكەتتىڭ ەڭ باستى باسىم باعىتتارىنىڭ ءبىرى بولىپ تابىلادى. سوڭعى 3 جىلدا بالالار ءولىم-جىتىمى ازايدى. تۇراقتى تەندەنسيا سوڭعى 7 ايدا دا ساقتالادى. بۇل جەتىستىكتەر ەلىمىزدە قابىلدانىپ جاتقان جۇيەلى جۇمىستاردىڭ ارقاسىندا مۇمكىن بولدى. بالالار انەستەزيولوگياسى مەن رەانيماتولوگياقىزمەتىارقاشان ءبىزدىڭ باستى نازارىمىزدا. بۇل سالا ماماندارىنىڭ بالالار دەنساۋلىعىن ساقتاۋدا الار ورنى ەرەك. ەلىمىزدەگى بالالار انەستەزيولوگيالىق جانە رەانيماتولوگيالىق قىزمەتىندە دەنساۋلىق ساقتاۋ مينيسترلىگى تاراپىنان ۇلكەن جۇمىستار اتقارىلۋدا. جىلدان-جىلعا ماتەريالدىق-تەحنيكالىق بازا جاقسارۋدا، كادر الەۋەتى ارتۋدا، ۇزدىكسىز ءبىلىم الۋ مەن جاس مامانداردى دايىنداۋ قولعا الىنۋدا، مەديسينالىق جوو جاڭا كافەدرالار اشىلۋدا»، دەپ اتاپ ءوتتى قۇتتىقتاۋ سوزىندە ق ر دەنساۋلىق ساقتاۋ ءمينيسترى اقمارال ءالنازاروۆا.
«بالالار انەستەزيولوگتارى مەن رەانيماتولوگتارىنىڭ كونفەرەنسياسى- بالالار مەن نەوناتالدىق انەستەزيولوگيا جانە قارقىندى تەراپيا سالاسىنداعى جەتەكشى ماماندارمەن تاجىريبە الماسۋعا، بىلىكتىلىكتەرىن ارتتىرۋعا جانە پىكىرتالاستارعا بەلسەندى قاتىسۋعا مۇمكىندىك بەرەتىن الاڭ. كونفەرەنسيا باعدارلاماسىن بالالار انەستەزيولوگ-رەانيماتولوگتارىنا، نەوناتولوگتارعا، ترانسفۋزيولوگتارعا، ەففەرەنتولوگتارعا جانە دەنساۋلىق ساقتاۋ ۇيىمدارىنىڭ ماماندارىنا ارناپ جاسادىق. بالالاردىڭ دەنساۋلىعىن قورعاۋ قازاقستان دەنساۋلىق ساقتاۋ سالاسىن دامىتۋدىڭ باسىم باعىتتارىنىڭ ءبىرى بولىپ تابىلادى. سول سەبەپتى، بۇل كونفەرەنسيا وتاندىق مەديسينانى دامىتۋعا جانە حالىقارالىق بايلانىستاردى كۇشەيتۋگە باعىتتالعان قازاقستاننىڭ بۇكىل انەستەزيولوگيالىق قوعامداستىعى ومىرىندەگى ايتۋلى وقيعا بولىپ تابىلادى. بۇل ءبىزدىڭ اۋىر جاعدايداعى كىشكەنتاي ناۋقاستارىمىزعا كومەكتەسۋگە قاتىساتىن بارلىق مامانداردىڭ بىرىگۋىنە، ورتاق ماسەلەلەردى شەشۋگە مۇمكىندىك بەرەدى»، دەپ اتاپ ءوتتى «انەستەزيولوگتار جانە رەانيماتولوگتار فەدەراسياسى» رقب پرەزيدەنتى، پروفەسسور ەرعالي ميەربەكوۆ. ونىڭ ايتۋىنشا، بۇگىنگى تاڭدا بۇل قىزمەت سەرتيفيكاتتالعان 400-دەن استام بالالار انەستەزيولوگ-رەانيماتولوگتارىن جانە 100-دەن استام انەستەزيولوگ-رەانيماتولوگتاردى بىرىكتىرەدى.
كونفەرەنسيادا ەلىمىزدەگى بالالار انەستەزيولوگيالىق جانە رەانيماتولوگيالىق قىزمەتىنىڭ بۇگىنگى جاعدايى مەن وزەكتى ماسەلەلەرى، بالالارعا انەستەزيولوگيالىق كومەك پەن قارقىندى ەمدى ۇيىمداستىرۋ جانە جەتىلدىرۋ ماسەلەلەرى، بالالار انەستەزيولوگياسىنداعى نەيرومونيتورينگ جانە نەيروناۆيگاسيا ماسەلەلەرى، بالالار انەستەزيولوگتارى مەن رەانيماتولوگتارىنىڭ ءبىلىمى مەن قۇقىقتىق اسپەكتىلەرى، رەانيماسيالىق جانە انەستەزيولوگيالىق كومەكتە ورتا بۋىن مەديسينا قىزمەتكەرلەرىنىڭ ءرولى، پەدياتريا جانە نەوناتولوگياداعى انەستەزيولوگ-رەانيماتولوگ جۇمىسىنىڭ وزەكتى ماسەلەلەرى، ونىڭ ىشىندە بارلىق نەگىزگى باعىتتارى – كارديولوگيالىق انەستەزيولوگيا، نەيروانەستەزيولوگيا، ترانسپلانتولوگيا جانە ت.ب. ماسەلەلەر تالقىلانىپ، وسى سالانىڭ وزەكتى ماسەلەلەرى جان-جاقتى قوزعالدى.
كونفەرەنسيانىڭ القالى جيىنىندا انەستەزيولوگيا سالاسىنا كوپ جىل ەڭبەك سىڭىرگەن ەلىمىزدىڭ ارداگەر بالالار انەستەزيولوگتارى مەن رەانيماتولوگتارىنا قۇرمەت كورسەتىلىپ، وسى سالانىڭ بىلىكتى ماماندارى قازاقستان رەسپۋبليكاسى حالقىنىڭ ءومىرى مەن دەنساۋلىعىن ساقتاۋ ىسىنە قوسقان ۇلەسى مەن ءمىنسىز ادال ەڭبەگى ءۇشىن «ارداگەر انەستەزيولوگ- رەانيماتولوگ» جانە «ۇزدىك انەستەزيولوگ-رەانيماتولوگ» توسبەلگىلەرىمەن ماراپاتتالدى.
كونفەرەنسيا اياسىندا ەكى بىردەي عىلىمي ورتالىقتا شەتەلدىك مامانداردىڭ دارىسىمەن 4 شەبەرلىك سىنىبى ءوتتى. 100-دەن اسا جاس ماماندار قاتىسقان شەبەرلىك سىنىپتى تۇرىك ەلىنىڭ جانە رەسەي ەلىنىڭ بىلىكتى ماماندارى وتكىزدى.
ءىس-شارانىڭ باستى ماقساتى – ق ر حالقىنا مامانداندىرىلعان مەديسينالىق كومەكتى جاقسارتۋ ماقساتىندا انەستەزيولوگتار مەن رەانيماتولوگتاردىڭ جانە ساباقتاس ماماندىقتاردىڭ باسىن قوسۋ، وسى سالادا جيناقتالعان ماسەلەلەردى تالقىلاۋ جانە ولاردى شەشۋ جولدارىن ىزدەۋ.
كونفەرەنسيا ق ر دەنساۋلىق ساقتاۋ مينيسترلىگىنىڭ قولداۋىمەن «انەستەزيولوگتار جانە رەانيماتولوگتار فەدەراسياسى» رەسپۋبليكالىق قوعامدىق بىرلەستىگىجانە پەدياتريا جانە بالالار حيرۋرگياسى عىلىمي ورتالىعىنىڭ ۇيىمداستىرۋىمەن وتكىزىلدى.
شارا اياسىندا انەستەزيولوگيا مەن قارقىندى ەمدە قولدانىلاتىن مەديسينالىق قۇرال-جابدىقتار مەن دارى-دارمەكتەردىڭ ءپروفيلدى كورمەسى ءوتتى.
