الماتىدا اۆتوبۋس جۇرگىزۋشىسى مەن جولاۋشى اراسىندا جانجال شىقتى، وقيعا ۆيدەوعا تۇسىرىلگەن، دەپ حابارلايدى Dalanews.kz.
كۋاگەرلەردىڭ ايتۋىنشا، توبەلەس 21 قازان كۇنى تاڭەرتەڭ نازاربايەۆ داڭعىلىندا ورىن العان.
جولاۋشىلاردىڭ ءبىرى اۆتوبۋستىڭ ەسىگىن تەپكەننەن كەيىن جۇرگىزۋشى سىرتقا شىعىپ، وعان ايقايلاي باستايدى. بىرنەشە مينۋتتان سوڭ ەر ادام پىشاققا ۇقساس زاتتى الىپ، جۇرگىزۋشىنى قورقىتا باستاعان. ۆيدەودا جۇرگىزۋشىنىڭ ءوز-وزىن قورعاۋعا تىرىسىپ جاتقانىن كورۋگە بولادى.
قازىرگى ۋاقىتتا بۇل وقيعا بويىنشا تەرگەۋ امالدارى جۇرگىزىلۋدە. الماتى قالاسىنىڭ پوليسيا دەپارتامەنتى جانجالعا قاتىسۋشى تاراپتاردىڭ ارەكەتتەرىنە قۇقىقتىق باعا بەرىلەتىنىن جانە قازاقستان رەسپۋبليكاسىنىڭ زاڭناماسىنا سايكەس شارالار قابىلداناتىنىن حابارلادى.
