Almatyda avtobýs júrgizýshisi men jolaýshy arasynda janjal shyqty, oqiǵa videoǵa túsirilgen, dep habarlaidy Dalanews.kz.
Kýágerlerdiń aitýynsha, tóbeles 21 qazan kúni tańerteń Nazarbaev dańǵylynda oryn alǵan.
Jolaýshylardyń biri avtobýstyń esigin tepkennen keiin júrgizýshi syrtqa shyǵyp, oǵan aiqailai bastaidy. Birneshe minýttan soń er adam pyshaqqa uqsas zatty alyp, júrgizýshini qorqyta bastaǵan. Videoda júrgizýshiniń óz-ózin qorǵaýǵa tyrysyp jatqanyn kórýge bolady.
Qazirgi ýaqytta bul oqiǵa boiynsha tergeý amaldary júrgizilýde. Almaty qalasynyń politsiia departamenti janjalǵa qatysýshy taraptardyń áreketterine quqyqtyq baǵa beriletinin jáne Qazaqstan Respýblikasynyń zańnamasyna sáikes sharalar qabyldanatynyn habarlady.
