الماتىدا ەل-فارابي كٶشەسٸن جٶندەۋ جۇمىسى اياقتالدى
ەل-فارابي داڭعىلىنىڭ دوستىقتان اسقاروۆ كٶشەسٸنە دەيٸنگٸ 9 شاقىرىمىن جٶندەۋ مەرزٸمٸنەن بۇرىن – 16 تامىزدا اياقتالدى. باستاپقىدا جۇمىس 31 تامىزعا دەيٸن جالعاسادى دەپ جوسپارلانعان بولاتىن. جۇمىسشىلار تىنباي ەڭبەك ەتتٸ. تامىز ايىنىڭ سوڭىنا دەيٸن جاياۋ جٷرگٸنشٸلەر جولىن جٶندەۋ جۇمىستارى جالعاسادى.
«بٷگٸنگٸ تاڭدا داڭعىل بويىنداعى ەسەنتاي ٶزەنٸ ارقىلى ٶتەتٸن كٶپٸردە جۇمىستار جٷرگٸزٸلۋدە. قايتا قۇرۋ جۇمىستارى اياقتالعاننان كەيٸن وسى ۋچاسكەنٸڭ جول بٶلٸگٸنە پوليمەرلٸ اسفالتبەتون جابىنىنىڭ ٷستٸڭگٸ قاباتى تٶسەلەدٸ. جول جۇمىستارىنىڭ باستالعانى حابارلانادى» دەدٸ ەكٸمدٸكتەگٸلەر.
ەل-فارابي كٶشەسٸندەگٸ وسى ۋچاسكەدە بۇدان بۇرىنعى ورتاشا جٶندەۋ 2010 جىلى جٷرگٸزٸلگەن. كٷردەلٸ جٶندەۋدٸڭ نورماتيۆتٸك مەرزٸمٸنٸڭ اياقتالۋىنا بايلانىستى بارلاۋ جۇمىستارى جٷرگٸزٸلٸپ, ونىڭ بارىسىندا اسفالتبەتون جابىندىسىندا شۇڭقىرلار, ويىقتار, سىزاتتار, قيراۋ تٷرٸندەگٸ اقاۋلار انىقتالىپ, تەحنيكالىق اكت جاسالعان.
جالپى, بيىلعى جىلى ەكٸمدٸك ۇزىندىعى 230 كٶشەگە 200 شاقىرىمنان اساتىن ورتاشا جٶندەۋ جۇمىستارىن جٷرگٸزۋدٸ جوسپارلاپ وتىر.
الماتىدا بارلىعى 2746 كٶشە بار, جول جەلٸسٸنٸڭ ۇزىندىعى 3097 شاقىرىم.
