Almatyda ál-Farabi kóshesin jóndeý jumysy aiaqtaldy
Ál-Farabi dańǵylynyń Dostyqtan Asqarov kóshesine deiingi 9 shaqyrymyn jóndeý merziminen buryn – 16 tamyzda aiaqtaldy. Bastapqyda jumys 31 tamyzǵa deiin jalǵasady dep josparlanǵan bolatyn. Jumysshylar tynbai eńbek etti. Tamyz aiynyń sońyna deiin jaiaý júrginshiler jolyn jóndeý jumystary jalǵasady.
«Búgingi tańda dańǵyl boiyndaǵy Esentai ózeni arqyly ótetin kópirde jumystar júrgizilýde. Qaita qurý jumystary aiaqtalǵannan keiin osy ýchaskeniń jol bóligine polimerli asfaltbeton jabynynyń ústińgi qabaty tóseledi. Jol jumystarynyń bastalǵany habarlanady» dedi ákimdiktegiler.
Ál-Farabi kóshesindegi osy ýchaskede budan burynǵy ortasha jóndeý 2010 jyly júrgizilgen. Kúrdeli jóndeýdiń normativtik merziminiń aiaqtalýyna bailanysty barlaý jumystary júrgizilip, onyń barysynda asfaltbeton jabyndysynda shuńqyrlar, oiyqtar, syzattar, qiraý túrindegi aqaýlar anyqtalyp, tehnikalyq akt jasalǵan.
Jalpy, biylǵy jyly ákimdik uzyndyǵy 230 kóshege 200 shaqyrymnan asatyn ortasha jóndeý jumystaryn júrgizýdi josparlap otyr.
Almatyda barlyǵy 2746 kóshe bar, jol jelisiniń uzyndyǵy 3097 shaqyrym.
