اقپاراتتىق تەحنولوگيالاردىڭ قارقىندى دامۋى جانە بارلىق سالالاردى سيفرلاندىرۋدىڭ جەدەل قارقىن الۋى جاعدايىندا اقپاراتتىق جۇيەلەر سالاسىنداعى ءبىلىم بەرۋ - قوعامنىڭ تابىستى قىزمەت ەتۋىنىڭ ماڭىزدى فاكتورلارىنىڭ بىرىنە اينالدى. الماتى تەحنولوگيالىق ۋنيۆەرسيتەتى (اتۋ) قازىرگى زامانعى تالاپتارعا سايكەس، سۇرانىسى جوعارى ءارى پەرسپەكتيۆالى ماماندىقتاردىڭ ءبىرى — «اقپاراتتىق جۇيەلەر» بويىنشا ءبىلىم الۋ مۇمكىندىگىن ۇسىنادى.
نەلىكتەن اتۋ-دىڭ «اقپاراتتىق جۇيەلەر» ءبىلىم بەرۋ باعدارلاماسىن تاڭداۋ قاجەت؟
الماتى تەحنولوگيالىق ۋنيۆەرسيتەتىنىڭ «اقپاراتتىق جۇيەلەر» كافەدراسى — اقپاراتتىق جۇيەلەردى جوبالاۋ، ەنگىزۋ جانە پايدالانۋ سالاسىندا كۇردەلى ماسەلەلەردى شەشۋگە دايىن مامانداردى دايارلاۋعا باعىتتالعان وقۋ ءبولىمى. كافەدرانىڭ ءبىلىم بەرۋ باعدارلاماسى ستۋدەنتتەرگە اقپاراتتىق جۇيەلەرمەن جۇمىس جاساۋدىڭ تەوريالىق اسپەكتىلەرىن عانا ەمەس، سونداي-اق وسى سالانىڭ ناقتى جاعدايدا قولدانىلاتىن تاجىريبەلىك داعدىلارىن يگەرۋگە مۇمكىندىك بەرەدى.
كافەدرا اقپاراتتىق جۇيەلەرمەن بايلانىستى بارلىق نەگىزگى سالالاردى قامتيتىن كەڭ اۋقىمدى پاندەر جيىنتىعىن ۇسىنادى. ستۋدەنتتەر باعدارلامالاۋ نەگىزدەرىن، دەرەكقورلاردى جوبالاۋدى، كومپيۋتەرلىك جەلىلەردى قۇرۋ مەن باسقارۋدى، سونداي-اق اقپاراتتىق قاۋىپسىزدىك، جاساندى ينتەللەكت جانە دەرەكتەردى تالداۋ سياقتى ماڭىزدى تاقىرىپتاردى وقيدى.
سونىمەن قاتار كافەدرا زاماناۋي وقىتۋ ادىستەرىن بەلسەندى تۇردە قولدانادى، ونىڭ ىشىندە ستۋدەنتتەرگە ناقتى ماسەلەلەر بويىنشا جۇمىس ىستەپ، ءوز جوبالارىن ازىرلەۋگە مۇمكىندىك بەرەتىن جوبالىق وقىتۋ ءادىسى بار. مۇنداي ءتاسىل ستۋدەنتتەرگە تەوريالىق بىلىمدەرىن بەكىتىپ قانا قويماي، سونىمەن قاتار شىنايى بيزنەستە جۇمىس ىستەۋ داعدىلارىن دا قالىپتاستىرۋعا كومەكتەسەدى.
يننوۆاسيالار مەن پراكتيكا: كافەدرانىڭ باستى پرينسيپتەرى
«اقپاراتتىق جۇيەلەر» كافەدراسىنىڭ باستى ارتىقشىلىقتارىنىڭ ءبىرى — ونەركاسىپپەن جانە قازىرگى زامانعى تەحنولوگيالىق ۇردىستەرمەن تىعىز بايلانىس ورناتۋ. ستۋدەنتتەر جەتەكشى ىت-كومپانيالارىمەن ىنتىماقتاستىقتا بولىپ، تاجىريبەدەن وتەدى، بۇل ولاردىڭ كاسىبي داعدىلارىن جەتىلدىرۋگە عانا ەمەس، وقۋ بىتىرگەننەن كەيىن جۇمىسقا ورنالاسۋعا دايىن بولۋىنا دا مۇمكىندىك بەرەدى.
كافەدرا وقىتۋ ۇدەرىسىنە زاماناۋي اقپاراتتىق تەحنولوگيالاردى بەلسەندى تۇردە ەنگىزۋدە. ستۋدەنتتەر جاڭارتىلعان باعدارلامالىق قامتاماسىز ەتۋگە قول جەتكىزىپ، زاماناۋي زەرتحانالاردا باعدارلامالىق شەشىمدەردى ازىرلەۋمەن اينالىسادى. ستۋدەنتتەر ازىرلەگەن جۇمىستار تەك ولاردىڭ ديپلومدىق جۇمىستارىندا عانا ەمەس، سونداي-اق ناقتى جوبالاردا دا قولدانىلادى.
«اقپاراتتىق جۇيەلەر» كافەدراسىندا وقۋدىڭ ارتىقشىلىقتارى:
- جوعارى بىلىكتى وقىتۋشىلار. كافەدرانىڭ وقىتۋشىلار قۇرامى — تاجىريبەلى مامانداردان تۇرادى، ولار ءىت-سالاسىنداعى جوعارى دەڭگەيدەگى ءبىلىم مەن تاجىريبەگە يە.
- زاماناۋي وقۋ بازاسى. كافەدرا ستۋدەنتتەرگە ءوز بىلىمدەرى مەن داعدىلارىن دامىتۋعا مۇمكىندىك بەرەتىن جاڭا زەرتحانالارمەن جابدىقتالعان: «Huawei ICT Academy»، «Apple Lab»، «Cisco Networking Academy»، «VR/AR Lab» جانە «SmartTech». بۇل ستۋدەنتتەردىڭ تاجىريبەلىك ءبىلىم دەڭگەيىنىڭ جوعارى بولۋىن قامتاماسىز ەتەدى.
- كاسىبي پەرسپەكتيۆالار. «اقپاراتتىق جۇيەلەر» كافەدراسىنىڭ تۇلەكتەرى ىت-كومپانيالاردا جانە اقپاراتتىق تەحنولوگيالار سالاسىندا ماماندار قاجەت ەتەتىن باسقا دا ۇيىمداردا جۇمىسقا ورنالاسۋدىڭ ۇلكەن مۇمكىندىكتەرگە يە بولادى.
كافەدرانىڭ بولاشاعى جانە ستۋدەنتتەردى دايارلاۋ
«اقپاراتتىق جۇيەلەر» كافەدراسى ۇنەمى دامۋ ۇستىندە، ءبىلىم بەرۋ مەن تەحنولوگيالار سالاسىنداعى سوڭعى ۇردىستەرگە سايكەس كەلەدى. ۇنەمى جاڭارتىلىپ وتىراتىن باعدارلامالار، جاڭا زەرتحانالار — بۇل بولاشاقتا جوعارى بىلىكتى ماماندار دايارلاۋعا ىقپال ەتەدى، ولار زاماناۋي اقپاراتتىق تەحنولوگيالاردى قولدانىپ، ءىت-سالاسىن دامىتادى.
«اقپاراتتىق جۇيەلەر» ءبىلىم بەرۋ باعدارلاماسى — بۇل ديپلوم الۋ عانا ەمەس، سيفرلىق بولاشاقتىڭ ءبىر بولىگى بولۋ، يننوۆاسيالىق شەشىمدەر جاساۋ جانە تەحنولوگيالىق ريەۆوليۋسيا ورتاسىندا بولۋ مۇمكىندىگى. كافەدرا تۇلەكتەرى — ءىت-سالاداعى سۇرانىسقا يە ماماندار، ولاردىڭ بىلىمدەرى مەن داعدىلارى ەلىمىزدە جانە شەتەلدە دە كەڭىنەن قولدانىلاتىن بولادى.
قورىتا ايتقاندا، الماتى تەحنولوگيالىق ۋنيۆەرسيتەتىنىڭ «اقپاراتتىق جۇيەلەر» كافەدراسى — بۇل تەك ءبىلىم الۋ ورنى عانا ەمەس، سونىمەن قاتار اقپاراتتىق تەحنولوگيالار سالاسىنداعى بولاشاق كوشباسشىلاردى دايارلايتىن ورتالىق. مىقتى اكادەميالىق بازا، تاجىريبەلىك دايارلىق، ىت-كومپانيالارمەن ىنتىماقتاستىق جانە زاماناۋي وقىتۋ ادىستەرى وسى كافەدرانى جوعارى تەحنولوگيالار الەمىندە تابىستى مانساپ قۇرۋدى قالايتىن جاستار ءۇشىن تاماشا تاڭداۋ ەتەدى.
اۆتورلار: «اقپاراتتىق جۇيەلەر» كافەدرا مەڭگەرۋشىسى PhD ك.و. توگجانوۆا، «اقپاراتتىق جۇيەلەر» كافەدراسىنىڭ قاۋىم.پروفەسسورى PhD،گ.ب. كاشاگانوۆا.
