سەمەيدە 20 جاستاعى ستۋدەنت قۇرىلىس الاڭىندا اۋىر جاراقات الىپ, وڭ قولىنان ايىرىلدى. تٶرتٸنشٸ كۋرس ستۋدەنتٸ اسىلجان كالەلوۆ دەمالىس كٷنٸ قوسىمشا تابىس تابۋ ٷشٸن جۇمىسقا شىققان, دەپ حابارلايدى Dalanews.kz "جەتٸنشٸ ارناعا" سٸلتەپ.
جٸگٸتتٸڭ ايتۋىنشا, ول بۇل نىساندا نەبەرٸ ٷشٸنشٸ كٷن جۇمىس ٸستەگەن. بريگادير ونى ەشقانداي كەلٸسٸمشارتسىز قابىلداپ, قاۋٸپسٸزدٸك تالاپتارىن تولىق تٷسٸندٸرمەگەن. تەك بەتون ارالاستىرعىشتى قوسۋ مەن ٶشٸرۋدٸ كٶرسەتكەن.
وقيعا كٷنٸ قۇرىلعى ٸشٸندە تاس تۇرىپ قالىپ, جەبٸرلەنۋشٸ ونى الىپ تاستاۋعا تىرىسقان. سول سەتتە بەتون ارالاستىرعىش كەنەت ٸسكە قوسىلىپ, ونىڭ وڭ قولىن جۇلىپ كەتكەن. زارداپ شەككەن جٸگٸت دەرەۋ اۋرۋحاناعا جەتكٸزٸلٸپ, وتا جاسالدى. الايدا دەرٸگەرلەر قولىن ساقتاپ قالا الماعان.
جاقىندارى قۇرىلىس كومپانيياسى ەلٸ كٷنگە دەيٸن حابارلاسىپ, جاعدايىن سۇراماعانىن ايتادى. ولار كٸنەلٸلەردٸ جاۋاپقا تارتۋدى تالاپ ەتٸپ وتىر.
ال ەڭبەك ينسپەكتسيياسى بۇل وقيعاعا بايلانىستى ارنايى كوميسسييا قۇرىلعانىن مەلٸمدەدٸ.
