Semeide 20 jastaǵy stýdent qurylys alańynda aýyr jaraqat alyp, oń qolynan aiyryldy. Tórtinshi kýrs stýdenti Asyljan Kalelov demalys kúni qosymsha tabys tabý úshin jumysqa shyqqan, dep habarlaidy Dalanews.kz "Jetinshi arnaǵa" siltep.
Jigittiń aitýynsha, ol bul nysanda nebári úshinshi kún jumys istegen. Brigadir ony eshqandai kelisimshartsyz qabyldap, qaýipsizdik talaptaryn tolyq túsindirmegen. Tek beton aralastyrǵyshty qosý men óshirýdi kórsetken.
Oqiǵa kúni qurylǵy ishinde tas turyp qalyp, jábirlenýshi ony alyp tastaýǵa tyrysqan. Sol sátte beton aralastyrǵysh kenet iske qosylyp, onyń oń qolyn julyp ketken. Zardap shekken jigit dereý aýrýhanaǵa jetkizilip, ota jasaldy. Alaida dárigerler qolyn saqtap qala almaǵan.
Jaqyndary qurylys kompaniiasy áli kúnge deiin habarlasyp, jaǵdaiyn suramaǵanyn aitady. Olar kinálilerdi jaýapqa tartýdy talap etip otyr.
Al eńbek inspektsiiasy bul oqiǵaǵa bailanysty arnaiy komissiia qurylǵanyn málimdedi.
