بٷگٸندە الماتى قالاسىندا شومىلۋعا رۇقسات ەتٸلگەن 4 ورىن عانا بار. ونىڭ ٷستٸنە, مەگاپوليس ماڭايىندا 28 شاعىن ٶزەن جەنە 26 سۋ قويماسى بار.
ەرلان ەلٸبەكوۆتىڭ ايتۋىنشا, «جابايى» جاعاجايلاردا شومىلۋ كەلەڭسٸز جاعدايلارعا ەكەلۋٸ مٷمكٸن. پولكوۆنيك اتا-انالاردان جازعى دەمالىس كەزٸندە بالالاردىڭ قاۋٸپسٸزدٸگٸنە نازار اۋدارۋدى سۇرادى.
سپيكەر جىل سايىن الماتىنىڭ سۋ ايدىندارىندا ادامدار قازا بولاتىنىن اتاپ ٶتتٸ. بيىلعى جىلى دا مۇنداي جاعدايدان اينالىپ ٶتۋ مٷمكٸن بولمادى, سۋدا بٸر ٶلٸم وقيعاسى تٸركەلگەن. ەرلان ەلٸبەكوۆتىڭ پٸكٸرٸنشە, تەجٸريبە مەن باقىلاۋ نەتيجەسٸ كٶرسەتكەندەي, قايعىلى وقيعالار ادامداردىڭ تيٸستٸ تەرتٸپ ەرەجەلەرٸن بۇزۋىنان ورىن الۋدا.
– ٶتكەن جىلى جٷرگٸزٸلگەن پروفيلاكتيكالىق ٸس-شارالاردىڭ ارقاسىندا سۋدا ادام ٶلٸمٸ تٸركەلگەن جوق, الايدا سايران كٶلٸندە قۇتقارۋشىلار 4 ادامدى قۇتقاردى, – دەپ حابارلادى ەرلان ەلٸبەكوۆ.
قالا اۋماعىنان 28 شاعىن ٶزەن اعىپ ٶتەدٸ, سونىمەن قاتار قالا ٸشٸندە 26 سۋ قويماسى بار.
الماتىدا سۋعا شومىلۋعا رۇقسات ەتٸلگەن 4 ورىن بار, ولار:
- د. قوناەۆ اتىنداعى ٷلكەن الماتى كانالى – باۋم توعايى;
- د. قوناەۆ اتىنداعى ٷلكەن الماتى كانالى – گٷلدەر دەمالىس ايماعى;
- سايران كٶلٸ – تٶلە بي كٶشەسٸنەن وڭتٷستٸك باعىتتا 300 مەتر;
- سايران كٶلٸ – تٶلە بي كٶشەسٸنەن پيرسكە دەيٸن وڭتٷستٸك باعىتتا 300 مەتر.
بۇل رەتتە, قازٸرگٸ ۋاقىتتا, د. قوناەۆ اتىنداعى ٷاك-دا سۋ جوق, اعىمداعى جىلى سۋ تولتىرۋ جوسپارلانباعان. سايران كٶلٸندە سۋ تولتىرۋدى بٷگٸننەن (25 مامىر) باستاۋ جوسپارلانۋدا. وندا الماتى قالاسىنىڭ قۇتقارۋ قىزمەتٸنٸڭ ماۋسىمدىق بەكەتٸ قويىلادى. ەۋەجاي ماڭىنداعى كٶلدە تۇراقتى سۋدا قۇتقارۋ بەكەتٸ جۇمىس ٸستەپ تۇر.
ونلاين-بريفينگ بارىسىندا ە. ەلٸبەكوۆ تجد قىزمەتكەرلەرٸ اۋدان ەكٸمدٸكتەرٸمەن بٸرلەسٸپ شومىلۋعا تىيىم سالىنعان جەرلەردە 58 بەلگٸ ورناتقانىن حابارلادى. ال سايران كٶلٸندە «سۋداعى قاۋٸپسٸزدٸك شارالارى مەن ەرەجەلەرٸ تۋرالى» بيلبورد ورنالاستىرىلعان.
جالپى, بەلگٸلەنبەگەن سۋ ايدىندارىندا عانا ەمەس, تاۋلى ٶزەندەردە دە شومىلۋعا تىيىم سالىنعان. قۇتقارۋشى بۋتاكوۆكا اۋماعىندا 2017 جىلى ٷلكەندەردٸڭ قاراۋىنسىز قالعان قىزدىڭ قايتىس بولعانىن ەسكە سالدى.
تجد بيىلعى جازدا الماتى سۋ ايدىندارىندا قۇتقارۋشىلار, سۋدا قۇتقارۋ وتريادىنىڭ جەنە پوليتسييا قىزمەتكەرلەرٸنٸڭ, قر ۇلتتىق ۇلانىنىڭ № 5571 «وڭتٷستٸك» بٶلٸمٸنٸڭ ەسكەري قىزمەتشٸلەرٸنٸڭ كٷن سايىن كەزەكشٸلٸك ەتەتٸنٸن حابارلادى. دەمالىس كٷندەرٸ بۇل جۇمىس كٷشەيتٸلگەن رەجيمدە ٶتەدٸ. تەرتٸپ بۇزۋشىلار ەكٸمشٸلٸك جاۋاپكەرشٸلٸككە تارتىلادى. مىسالى, ٶتكەن جىلى بەلگٸلەنبەگەن ورىنداردا شومىلعانى ٷشٸن 6 ادامعا ايىپپۇل سالىندى.
پولكوۆنيك ەلٸبەكوۆ سۋ ايدىندارىندا بولعان كەزدە ساقتالۋى تيٸس بٸرنەشە ۇسىنىستاردى ايتتى.
– رۇقسات ەتٸلگەن جەرلەردە عانا شومىلىڭىز, جاعالاۋدان جەنە قورشاۋ بەلگٸلەرٸنەن الىس جٷزبەڭٸز. ەگەر سٸز رۇقسات ەتٸلگەن جەردە شومىلساڭىز, بەلدەن جوعارى سۋعا كٸرمەڭٸز. بالالاردى قاراۋسىز قالدىرماڭىز. قايىقتاردان, كٶپٸرلەردەن جەنە ايلاقتاردان سۋعا سەكٸرمەڭٸز. تٷنگٸ ۋاقىتتا جەنە ماس كٷيدە شومىلماڭىزدار, – دەيدٸ الماتى تجد باسشىسىنىڭ ورىنباسارى.
وسى قاراپايىم تالاپتاردى ساقتاي وتىرىپ, سٸز ٶزٸڭٸزدٸڭ جەنە جاقىندارىڭىزدىڭ ٶمٸرٸ مەن دەنساۋلىعىن ساقتايسىز. ەسكە سالايىق, قۇتقارۋ قىزمەتٸنٸڭ بٸرىڭعاي تەلەفونى – «112».
