Búginde Almaty qalasynda shomylýǵa ruqsat etilgen 4 oryn ǵana bar. Onyń ústine, megapolis mańaiynda 28 shaǵyn ózen jáne 26 sý qoimasy bar.
Erlan Álibekovtyń aitýynsha, «jabaiy» jaǵajailarda shomylý keleńsiz jaǵdailarǵa ákelýi múmkin. Polkovnik ata-analardan jazǵy demalys kezinde balalardyń qaýipsizdigine nazar aýdarýdy surady.
Spiker jyl saiyn Almatynyń sý aidyndarynda adamdar qaza bolatynyn atap ótti. Biylǵy jyly da mundai jaǵdaidan ainalyp ótý múmkin bolmady, sýda bir ólim oqiǵasy tirkelgen. Erlan Álibekovtyń pikirinshe, tájiribe men baqylaý nátijesi kórsetkendei, qaiǵyly oqiǵalar adamdardyń tiisti tártip erejelerin buzýynan oryn alýda.
– Ótken jyly júrgizilgen profilaktikalyq is-sharalardyń arqasynda sýda adam ólimi tirkelgen joq, alaida Sairan kólinde qutqarýshylar 4 adamdy qutqardy, – dep habarlady Erlan Álibekov.
Qala aýmaǵynan 28 shaǵyn ózen aǵyp ótedi, sonymen qatar qala ishinde 26 sý qoimasy bar.
Almatyda sýǵa shomylýǵa ruqsat etilgen 4 oryn bar, olar:
- D. Qonaev atyndaǵy Úlken Almaty kanaly – Baým toǵaiy;
- D. Qonaev atyndaǵy Úlken Almaty kanaly – Gúlder demalys aimaǵy;
- Sairan kóli – Tóle bi kóshesinen ońtústik baǵytta 300 metr;
- Sairan kóli – Tóle bi kóshesinen pirske deiin ońtústik baǵytta 300 metr.
Bul rette, qazirgi ýaqytta, D. Qonaev atyndaǵy ÚAK-da sý joq, aǵymdaǵy jyly sý toltyrý josparlanbaǵan. Sairan kólinde sý toltyrýdy búginnen (25 mamyr) bastaý josparlanýda. Onda Almaty qalasynyń qutqarý qyzmetiniń maýsymdyq beketi qoiylady. Áýejai mańyndaǵy kólde turaqty sýda qutqarý beketi jumys istep tur.
Onlain-brifing barysynda E. Álibekov TJD qyzmetkerleri aýdan ákimdikterimen birlesip shomylýǵa tyiym salynǵan jerlerde 58 belgi ornatqanyn habarlady. Al Sairan kólinde «Sýdaǵy qaýipsizdik sharalary men erejeleri týraly» bilbord ornalastyrylǵan.
Jalpy, belgilenbegen sý aidyndarynda ǵana emes, taýly ózenderde de shomylýǵa tyiym salynǵan. Qutqarýshy Býtakovka aýmaǵynda 2017 jyly úlkenderdiń qaraýynsyz qalǵan qyzdyń qaitys bolǵanyn eske saldy.
TJD biylǵy jazda Almaty sý aidyndarynda qutqarýshylar, sýda qutqarý otriadynyń jáne politsiia qyzmetkerleriniń, QR Ulttyq ulanynyń № 5571 «Ońtústik» bóliminiń áskeri qyzmetshileriniń kún saiyn kezekshilik etetinin habarlady. Demalys kúnderi bul jumys kúsheitilgen rejimde ótedi. Tártip buzýshylar ákimshilik jaýapkershilikke tartylady. Mysaly, ótken jyly belgilenbegen oryndarda shomylǵany úshin 6 adamǵa aiyppul salyndy.
Polkovnik Álibekov sý aidyndarynda bolǵan kezde saqtalýy tiis birneshe usynystardy aitty.
– Ruqsat etilgen jerlerde ǵana shomylyńyz, jaǵalaýdan jáne qorshaý belgilerinen alys júzbeńiz. Eger siz ruqsat etilgen jerde shomylsańyz, belden joǵary sýǵa kirmeńiz. Balalardy qaraýsyz qaldyrmańyz. Qaiyqtardan, kópirlerden jáne ailaqtardan sýǵa sekirmeńiz. Túngi ýaqytta jáne mas kúide shomylmańyzdar, – deidi Almaty TJD basshysynyń orynbasary.
Osy qarapaiym talaptardy saqtai otyryp, siz ózińizdiń jáne jaqyndaryńyzdyń ómiri men densaýlyǵyn saqtaisyz. Eske salaiyq, qutqarý qyzmetiniń biryńǵai telefony – «112».
