«كوممۋنالدىق قىزمەتتەر جىلىتۋ ماۋسىمىنا دايىندىقتى بيىلعى مامىر ايىندا باستادى، جۇمىستار بەكىتىلگەن كەستەگە سايكەس جۇرگىزىلدى. 413 ءبىلىم بەرۋ، 129 دەنساۋلىق ساقتاۋ وبەكتىسى جانە 8 476 تۇرعىن ءۇي قورى نىسانى دايىندالدى. «الماتىجىلۋجايەنەرگو» ج ش س قازاندىقتارىندا كومىر مەن مازۋتتىڭ قورى 100% قۇرايدى. ال «الەس» اق (جەو-1،2، بجك) ەنەرگيا كوزدەرىندە كومىر قورى – 118% جانە مازۋت – 118%.
سونداي-اق اعىمداعى جانە جوسپارلى جۇمىستار ورىندالدى، ونىڭ ىشىندە توزۋدى تومەندەتۋ ماقساتىندا قولدانىستاعى جەلىلەر رەكونسترۋكسيالاندى»، - دەلىنگەن قالا اكىمدىگى مالىمەتىندە.
ەرەجەگە سايكەس، قالانى جىلۋ جۇيەسىنە قوسۋ سىرتقى اۋا تەمپەراتۋراسى +8°س جانە ودان تومەن بولعاندا بەس تاۋلىك ىشىندە جۇرگىزىلەدى.
ءبىرىنشى كەزەكتە جىلۋعا دەنساۋلىق ساقتاۋ، ءبىلىم بەرۋ عيماراتتارى جانە وزگە دە الەۋمەتتىك وبەكتىلەر قوسىلاتىن بولادى. كەيىن جىلۋ كوپپاتەرلى تۇرعىن ۇيلەرگە بەرىلەدى.
