«Komýnaldyq qyzmetter jylytý maýsymyna daıyndyqty bıylǵy mamyr aıynda bastady, jumystar bekitilgen kestege sáıkes júrgizildi. 413 bilim berý, 129 densaýlyq saqtaý obektisi jáne 8 476 turǵyn úı qory nysany daıyndaldy. «Almatyjylýjaıenergo» JSHS qazandyqtarynda kómir men mazýttyń qory 100% quraıdy. Al «AlES» AQ (JEO-1,2, BJK) energıa kózderinde kómir qory – 118% jáne mazýt – 118%.
Sondaı-aq aǵymdaǵy jáne josparly jumystar oryndaldy, onyń ishinde tozýdy tómendetý maqsatynda qoldanystaǵy jeliler rekonstrýksıalandy», - delingen qala ákimdigi málimetinde.
Erejege sáıkes, qalany jylý júıesine qosý syrtqy aýa temperatýrasy +8°S jáne odan tómen bolǵanda bes táýlik ishinde júrgiziledi.
Birinshi kezekte jylýǵa densaýlyq saqtaý, bilim berý ǵımarattary jáne ózge de áleýmettik obektiler qosylatyn bolady. Keıin jylý kóppáterli turǵyn úılerge beriledi.
