مەملەكەتتىك قىزمەتتىڭ بەدەلىنە نۇقسان كەلتىرمەگەن 57 تۇلعا «ۇزدىك مەملەكەتتىك قىزمەتشى» رەسپۋبليكالىق بايقاۋىنىڭ وڭىرلىك كەزەڭىنە قاتىسۋعا ءوتىنىم بەرگەن.
ولاردىڭ 13ء-ى عانا وڭىرلىك بايقاۋدىڭ ەكىنشى كەزەڭىنە جولداما الىپ، جوبالارىن قورعادى.
مەملەكەتتىك قىزمەتكەرلەر اراسىنداعى بايقاۋعا، اكىمشىلىك جانە تارتىپتىك جازاعا تارتىلماعان، كەمىندە ءۇش جىل مەملەكەتتىك قىزمەتتە ەڭبەك ءوتىلى بار قىزمەتكەرلەر قاتىسقان.
مامىر ايىنىڭ 26-سى كۇنى بارلىق قاتىسۋشىلارعا ءبىر مەزگىلدە كەيستىك تاپسىرما جولدانعان بولاتىن. قاتىسۋشىلار، كولەمى 500 سوزدەن اسپايتىن ەسسە جانە ۇزاقتىعى 5 مينۋتتان اسپايتىن بەينە جاۋاپ ۇسىندى.
كەيستىك تاپسىرمانىڭ شەشىمىن كونكۋرستىق كوميسسيا مۇشەلەرى قاراپ، ناتيجەسىندە ەڭ جوعارى بالدى ەسكەلدى اۋدانىنىڭ اكىمى رۋستام الي جيناعان.
وبلىستىق كەزەڭنىڭ جەڭىمپازى ءوز سوزىندە، «10 جىل - ەلگە قىزمەت. وسىنداي قۇرمەتكە يە بولۋعا مۇمكىندىك بەرگەن اتا-انامنىڭ تاربيەسىنە، باسشىلار مەن ارىپتەستەردىڭ بىرلەسكەن قىزمەتىنە العىسىم شەكسىز»،-دەپ اتاپ ءوتتى.
ەستەرىڭىزگە سالامىز، رۋستام الي، بۇعان دەيىن وبلىستىق ىشكى ساياسات، جاستار ساياساتى باسقارمالارىن باسقارىپ، الماتى وبلىسى اكىمىنىڭ ورىنباسارى قىزمەتىن اتقارعان بولاتىن.
