Memlekettik qyzmettiń bedeline nuqsan keltirmegen 57 tulǵa «Úzdik memlekettik qyzmetshi» respýblıkalyq baıqaýynyń óńirlik kezeńine qatysýǵa ótinim bergen.
Olardyń 13-i ǵana óńirlik baıqaýdyń ekinshi kezeńine joldama alyp, jobalaryn qorǵady.
Memlekettik qyzmetkerler arasyndaǵy baıqaýǵa, ákimshilik jáne tártiptik jazaǵa tartylmaǵan, keminde úsh jyl memlekettik qyzmette eńbek ótili bar qyzmetkerler qatysqan.
Mamyr aıynyń 26-sy kúni barlyq qatysýshylarǵa bir mezgilde keıstik tapsyrma joldanǵan bolatyn. Qatysýshylar, kólemi 500 sózden aspaıtyn esse jáne uzaqtyǵy 5 mınýttan aspaıtyn beıne jaýap usyndy.
Keıstik tapsyrmanyń sheshimin konkýrstyq komısıa músheleri qarap, nátıjesinde eń joǵary baldy Eskeldi aýdanynyń ákimi Rýstam Alı jınaǵan.
Oblystyq kezeńniń jeńimpazy óz sózinde, «10 jyl - elge qyzmet. Osyndaı qurmetke ıe bolýǵa múmkindik bergen ata-anamnyń tárbıesine, basshylar men áriptesterdiń birlesken qyzmetine alǵysym sheksiz»,-dep atap ótti.
Esterińizge salamyz, Rýstam Alı, buǵan deıin oblystyq İshki saıasat, Jastar saıasaty basqarmalaryn basqaryp, Almaty oblysy ákiminiń orynbasary qyzmetin atqarǵan bolatyn.
