بۇل تمد اۋماعىندا تەڭدەسٸ جوق بٸرەگەي جوبا. قازاقستاندا العاش رەت قولدانىسقا ەنگٸزٸلگەن جٷيە ەكەنٸن اتاپ ٶتكەن جٶن. اتالعان قوسىمشا الماتى وبلىسىنىڭ 16 مەديتسينالىق مەكەمەسٸن كومپيۋتەرلٸك, ماگنيتتٸك-رەزونانستىق توموگرافييا, رەنتگەنوگرافييا, مامموگرافييانى قوسا العاندا, وبلىس ورتالىعىندا بارلىق راديولوگييالىق زەرتتەۋلەردٸ ورتالىقتاندىرۋ مٷمكٸندٸگٸمەن بٸرىڭعاي راديولوگييالىق اقپاراتتىق جٷيەمەن بٸرٸكتٸردٸ.
جوبا مەملەكەت باسشىسى بەلگٸلەگەن 4 نەگٸزگٸ مٸندەتتٸ شەشەدٸ. بٸرٸنشٸ كەزەكتە, ەرتە دياگنوستيكا جاساۋ, ەكٸنشٸدەن, راديولوگ-دەرٸگەرلەردٸڭ كادر تاپشىلىعى مەسەلەسٸن شەشۋ, دەنساۋلىق ساقتاۋدى تسيفرلاندىرۋ, سونداي-اق جاساندى زەردەنٸ پايدالانا وتىرىپ, وزىق عىلىمي جەتٸستٸكتەردٸ قولدانۋ.
جٷيە الماتى وبلىسىنىڭ 16 مەديتسينالىق مەكەمەسٸن, سونداي-اق تالدىقورعان قالاسىنداعى ورتالىق كٶپسالالى اۋرۋحانانى قامتيدى, وندا جوعارى ٶنٸمدٸ ٶندٸرٸستٸك سەرۆەرلەرٸ بار دەرەكتەردٸ ٶڭدەۋ ورتالىعى ورناتىلعان, وعان كٷن سايىن بارلىق مەديتسينالىق مەكەمەلەردٸڭ ورىندالعان رەنتگەنولوگييالىق زەرتتەۋلەرٸ جيناقتالادى.
جوبا اياسىندا مەديتسينالىق مەكەمەلەردەگٸ بارلىق انالوگتى رەنتگەنولوگييالىق جابدىقتار ارنايى قۇرىلعىنىڭ كٶمەگٸمەن تسيفرلاندىرىلدى.
جوبا شەڭبەرٸندە دەرٸگەرلەرگە ٶكپە جەنە سٷت بەزٸنٸڭ ونكولوگييالىق اۋرۋلارىن ەرتە ساتىسىندا انىقتاۋ بويىنشا جۇمىستى جەڭٸلدەتەتٸن جاساندى ينتەللەكت جٷيەسٸ ەنگٸزٸلدٸ.
– بٷگٸنگٸ تاڭدا ٶكپە وبىرى مەن سٷت بەزٸ وبىرى ونكولوگييالىق اۋرۋلار قۇرىلىمىندا كەڭ تارالعان اۋرۋلاردىڭ بٸرٸ بولىپ تابىلادى. سوندىقتان بۇل قاۋٸپتٸ اۋرۋلاردى ەرتە كەزەڭدە دياگنوستيكالاۋ ٶتە ماڭىزدى, بۇل ەمدەۋدٸ ۋاقىتىندا باستاۋعا مٷمكٸندٸك بەرەدٸ, – دەيدٸ الماتى وبلىسى دەنساۋلىق ساقتاۋ باسقارماسىنىڭ باسشىسى ٶمٸرزاق نييازبەكوۆ.
ونكولوگييالىق اۋرۋلاردى دياگنوستيكالاۋ كەزٸندە جاساندى زەردەنٸ قولدانۋ قازٸردٸڭ ٶزٸندە ٶكپە وبىرى مەن سٷت بەزٸ وبىرىن ەرتە ساتىسىندا انىقتاۋدى 13%-دان 60%-عا دەيٸن ارتتىرۋدى قامتاماسىز ەتتٸ. ەدەتتە, ادامنىڭ كٶزٸ 5 مم ٶلشەمدٸ ٸسٸكتەردٸ كٶرەدٸ, ال جاساندى ينتەللەكت دەرٸگەرگە 1 مم-دەن باستاپ ٸسٸكتەردٸ انىقتاۋعا كٶمەكتەسەدٸ.
