الماتى وبلىسىنىڭ اكىمى مارات سۇلتانعازييەۆ جەر سىلكىنۋ جاعدايى بويىنشا شۇعىل جيىن وتكىزىپ، توتەنشە جاعدايعا بايلانىستى الماتىلىقتارعا ۇندەۋ جولدادى، دەپ حابارلايدى Dalanews.kz.
قازىرگى ۋاقىتتا ايماقتاعى جاعداي تۇراقتى، ءبىراق جەدەل شتاب الداعى ءىس-شارالار جوسپارىن تالقىلاۋدى جالعاستىرىپ جاتىر. وڭىردەگى بارلىق تىرشىلىكتى قامتاماسىز ەتۋ جۇيەلەرى، پوليسيا ءبولىمى مەن جەدەل مەدەسينالىق جاردەم قىزمەتى شتاتتىق رەجيمدە جۇمىس ىستەپ جاتىر.
تاۋلى ايماقتاردا قار كوشكىنى قاۋپىنە بايلانىستى ساق بولىپ، جەرگىلىكتى اتقارۋشى ورگانداردىڭ نۇسقاۋلارىن ورىنداۋ ۇسىنىلادى. تۇرعىنداردى توتەنشە جيناۋ پۋنكتتەرى بەلسەندى قىزمەت اتقارا بەرەدى. قاجەتتى كومەك كورسەتۋ ءۇشىن مەديسينالىق مەكەمەلەر مەن جەدەل جاردەم قىزمەتى كۇشەيتىلگەن رەجيمدە جۇمىس ىستەۋدە.
ايماق باسشىسىنىڭ نۇسقاۋىمەن جەر سىلكىنىسىنەن كەيىنگى ىقتيمال زارداپتاردى انىقتاۋ ماقساتىندا وبلىستاعى بارلىق عيماراتتار مەن قۇرىلىستارعا تەكسەرۋ جۇرگىزىلۋدە. سونداي-اق زارداپ شەككەندەرگە كومەك كورسەتۋ ءۇشىن، قابىلداۋ پۋنكتتەرىن دايىنداۋ جانە اپاتتىق-قۇتقارۋ قىزمەتتەرىنىڭ ءىس-قيمىلدارىن ۇيلەستىرۋ جونىندە تاپسىرما بەرىلدى. كەز كەلگەن توتەنشە جاعدايعا جەدەل دەن قويۋ دايىندىعىن قامتاماسىز ەتۋ جانە وبلىس تۇرعىندارىنىڭ قاۋىپسىزدىگىن قامتاماسىز ەتۋ ماڭىزدى.
"توتەنشە جاعدايلارعا جەدەل نازار اۋدارۋ دايىندىعى جانە وبلىس تۇرعىندارىنىڭ قاۋىپسىزدىگىن قامتاماسىز ەتۋ – ءبىزدىڭ باستى مىندەتىمىز"، - دەدى مارات سۇلتانعازييەۆ.
