Almaty oblysynyń ákimi Marat Sultanǵaziev jer silkiný jaǵdaiy boiynsha shuǵyl jiyn ótkizip, tótenshe jaǵdaiǵa bailanysty almatylyqtarǵa úndeý joldady, dep habarlaidy Dalanews.kz.
Qazirgi ýaqytta aimaqtaǵy jaǵdai turaqty, biraq jedel shtab aldaǵy is-sharalar josparyn talqylaýdy jalǵastyryp jatyr. Óńirdegi barlyq tirshilikti qamtamasyz etý júieleri, politsiia bólimi men jedel medetsinalyq járdem qyzmeti shtattyq rejimde jumys istep jatyr.
Taýly aimaqtarda qar kóshkini qaýpine bailanysty saq bolyp, jergilikti atqarýshy organdardyń nusqaýlaryn oryndaý usynylady. Turǵyndardy tótenshe jinaý pýnktteri belsendi qyzmet atqara beredi. Qajetti kómek kórsetý úshin meditsinalyq mekemeler men jedel járdem qyzmeti kúsheitilgen rejimde jumys isteýde.
Aimaq basshysynyń nusqaýymen jer silkinisinen keiingi yqtimal zardaptardy anyqtaý maqsatynda oblystaǵy barlyq ǵimarattar men qurylystarǵa tekserý júrgizilýde. Sondai-aq zardap shekkenderge kómek kórsetý úshin, qabyldaý pýnktterin daiyndaý jáne apattyq-qutqarý qyzmetteriniń is-qimyldaryn úilestirý jóninde tapsyrma berildi. Kez kelgen tótenshe jaǵdaiǵa jedel den qoiý daiyndyǵyn qamtamasyz etý jáne oblys turǵyndarynyń qaýipsizdigin qamtamasyz etý mańyzdy.
"Tótenshe jaǵdailarǵa jedel nazar aýdarý daiyndyǵy jáne oblys turǵyndarynyń qaýipsizdigin qamtamasyz etý – bizdiń basty mindetimiz", - dedi Marat Sultanǵaziev.
