يندۋستريا جانە ينفراقۇرىلىمدىق دامۋ مينيسترلىگى الماتى وبلىسىنداعى پويىز بەن اۆتوبۋس قاقتىعىسقان وقيعانىڭ سەبەبىن انىقتاۋ ءۇشىن ارنايى كوميسسيا قۇردى. 

ىشكى ىستەر مينيسترلىگىنىڭ مالىمەتىنە سايكەس جول اپاتى 15 قىركۇيەك ساعات 19:20-دا الماتى-وتار تاس جولىنداعى شامالعان ستانسياسىندا بولعان.

الماتى مەن قاسكەلەڭ اراسىندا تۇراقتى قاتىنايتىن اۆتوبۋس پەن الماتى - قوستاناي باعىتىنداعى №43 جولاۋشىلار پويىزى قاقتىعىسىپ سونىڭ سالدارىنان اۆتوبۋس جۇرگىزۋشى وقيعا ورنىندا قازا تاپتى.  

وقيعا سەبەپ-سالدارىن انىقتايتىن كوميسسيا قۇرامىنا ترانسپورت كوميتەتىنىڭ جانە قازاقستان تەمىر جولى كومپانياسىنىڭ ماماندارى كىردى. كوميسسيا وكىلدەرى وقيعا ورىن العان جەرگە اتتانىپ كەتتى.

الماتى وبلىسى اكىمدىگىنىڭ باسپا ءسوز حاتشىسى عالىمۇرات جۇكەلدىڭ حابارلاۋىنشا شامالعان ستانسياسىنداعى جول كولىك وقيعاسىنان 1 ادام مەرت بولىپ، 3 ادام جارالانعان.

وقيعا ورنىنا قاجەتتى كولەمدە جەدەل جاردەم كولىكتەرى جەتتى. وقيعا ورنىندا ءتيىستى سالا باسشىلارى جەتتى. قاراساي اۋدانىنىڭ اكىمى جانداربەك دالابايەۆ وقيعا ورنىندا. جاقىن اراداعى اۋرۋحانالار كۇشەيتىلگەن رەجيمدە جۇمىس ىستەۋدە.

https://youtu.be/ldHnAhSak9k