Indýstrıa jáne ınfraqurylymdyq damý mınıstrligi Almaty oblysyndaǵy poıyz ben avtobýs qaqtyǵysqan oqıǵanyń sebebin anyqtaý úshin arnaıy komısıa qurdy. 

İshki ister mınıstrliginiń málimetine sáıkes jol apaty 15 qyrkúıek saǵat 19:20-da Almaty-Otar tas jolyndaǵy Shamalǵan stansıasynda bolǵan.

Almaty men Qaskeleń arasynda turaqty qatynaıtyn avtobýs pen Almaty - Qostanaı baǵytyndaǵy №43 jolaýshylar poıyzy qaqtyǵysyp sonyń saldarynan avtobýs júrgizýshi oqıǵa ornynda qaza tapty.  

Oqıǵa sebep-saldaryn anyqtaıtyn komısıa quramyna transport komıtetiniń jáne Qazaqstan temir joly kompanıasynyń mamandary kirdi. Komısıa ókilderi oqıǵa oryn alǵan jerge attanyp ketti.

Almaty oblysy ákimdiginiń baspasóz hatshysy Ǵalymurat Júkeldiń habarlaýynsha Shamalǵan stansıasyndaǵy jol kólik oqıǵasynan 1 adam mert bolyp, 3 adam jaralanǵan.

Oqıǵa ornyna qajetti kólemde jedel járdem kólikteri jetti. Oqıǵa ornynda tıisti sala basshylary jetti. Qarasaı aýdanynyń ákimi Jandarbek Dalabaev oqıǵa ornynda. Jaqyn aradaǵy aýrýhanalar kúsheıtilgen rejımde jumys isteýde.

https://youtu.be/ldHnAhSak9k