الماتى وبلىسى جالپاقساي اۋىلىندا پيتبۋل يتتەردٸڭ شابۋىلىنان زارداپ شەككەن 11 جاستاعى ماكسيم گولوۆاچەۆتٸڭ وتباسى باسپانالى بولدى. جاڭا ٷيدٸ ولارعا “Asar-Ume” قايىرىمدىلىق قورى سىيعا تارتتى, دەپ حابارلايدى Dalanews.kz.
قور جەتەكشٸسٸ اسحات نۇرماشەۆتٸڭ ايتۋىنشا, ماكسيمنٸڭ وتباسى ون جىلدان استام ۋاقىت بويى جالدامالى پەتەرلەردە تۇرىپ كەلگەن. قايعىلى وقيعادان كەيٸن بالاعا جەرگٸلٸكتٸ ەكٸمدٸك, ەرٸكتٸلەر مەن قايىرىمدىلىق قورى قولداۋ كٶرسەتٸپ, كەيٸننەن وتباسىنىڭ قور تالاپتارىنا ساي كەلەتٸنٸ انىقتالعان سوڭ, باسپانا بەرۋ تۋرالى شەشٸم قابىلدانعان.
"جاڭا ٷيدٸڭ اۋماعى — 83 شارشى مەتر. ول وتباسى بۇرىن تۇرعان شاعىن ٷيدٸڭ دەل جانىندا ورنالاسقان. قونىس تويىن ۇيىمداستىرۋعا المالىباق جەنە جالپاقساي اۋىلدارىنىڭ تۇرعىندارى, سونداي-اق ماكسيم وقيتىن المالىباق ورتا مەكتەپ-گيمنازيياسىنىڭ ۇجىمىبەلسەنە اتسالىستى", — دەدٸ نۇرماشەۆ.
قازٸرگٸ تاڭدا ماكسيم ەم الىپ جاتىر. دەرٸگەرلەر ونىڭ جاقىن كٷندەرٸ اۋرۋحانادان شىعىپ, ٷيٸنە ورالۋى مٷمكٸن ەكەنٸن حابارلادى.
