Almaty oblysy Jalpaqsaı aýylynda pıtbýl ıtterdiń shabýylynan zardap shekken 11 jastaǵy Maksım Golovachevtiń otbasy baspanaly boldy. Jańa úıdi olarǵa “Asar-Ume” qaıyrymdylyq qory syıǵa tartty, dep habarlaıdy Dalanews.kz.
Qor jetekshisi Ashat Nurmashevtiń aıtýynsha, Maksımniń otbasy on jyldan astam ýaqyt boıy jaldamaly páterlerde turyp kelgen. Qaıǵyly oqıǵadan keıin balaǵa jergilikti ákimdik, eriktiler men qaıyrymdylyq qory qoldaý kórsetip, keıinnen otbasynyń qor talaptaryna saı keletini anyqtalǵan soń, baspana berý týraly sheshim qabyldanǵan.
"Jańa úıdiń aýmaǵy — 83 sharshy metr. Ol otbasy buryn turǵan shaǵyn úıdiń dál janynda ornalasqan. Qonys toıyn uıymdastyrýǵa Almalybaq jáne Jalpaqsaı aýyldarynyń turǵyndary, sondaı-aq Maksım oqıtyn Almalybaq orta mektep-gımnazıasynyń ujymybelsene atsalysty", — dedi Nurmashev.
Qazirgi tańda Maksım em alyp jatyr. Dárigerler onyń jaqyn kúnderi aýrýhanadan shyǵyp, úıine oralýy múmkin ekenin habarlady.
