الماتى وبلىسىندا ٷلەسكەرلەر مەسەلەسٸ تولىقتاي شەشٸلدٸ
ٶزدەرٸڭٸزگە بەلگٸلٸ, 2008-2009 جىلدار ارالىعىندا الماتى وبلىسىندا 4129 ٷلەسكەرٸ بار 21 پروبلەمالىق نىسان بولاتىن. 2009 جىلى مەملەكەتتٸك قارجىلاندىرۋدىڭ كٶمەگٸنسٸز 12 نىسان بويىنشا 1553 ٷلەسكەردٸڭ مەسەلەسٸ شەشٸلگەن بولاتىن.
«سونىمەن قاتار, مەملەكەتتٸك قارجىلىق قولداۋدىڭ ارقاسىندا تاعى 34 كەشەننٸڭ قۇرىلىسى اياقتالىپ, نەتيجەسٸندە تاعى 9 نىسان بويىنشا 2576 ٷلەسكەردٸڭ مەسەلەسٸ شەشٸمٸن تاپتى. بۇل ماقساتقا بيۋدجەتتەن 34,588 ملرد. تەڭگە بٶلٸنگەن بولاتىن, ونىڭ 34,009 ملرد. تەڭگەسٸ رەسپۋبليكالىق بيۋدجەتتەن بٶلٸنگەن بولسا, 0,579 ملرد. تەڭگە جەرگٸلٸكتٸ بيۋدجەتتەن قاراستىرىلدى. وسىنىڭ ارقاسىندا بارلىق قاجەتتٸ ينجەنەرلٸك جٷيەلەرٸ تارتىلعان 355 مىڭ شارشى مەتر جاڭا تۇرعىن ٷي بوي كٶتەردٸ», - دەپ حابارلايدى نٷگٸربەك ابۋلعازين.
ن. ابۋلعازيننٸڭ حابارلاۋىنشا, ٷلەسكەرلەردٸڭ مەسەلەسٸ بويىنشا سوڭعى نىسان سانالاتىن «ٶمٸرۇزاق» تۇرعىن ٷي كەشەنٸ بويىنشا سوڭعى قۇرىلىس جۇمىستارى اعىمداعى جىلدىڭ تامىز ايىندا اياقتالعان. جالپى اۋماعى 20,922 مىڭ شارشى مەتر بولاتىن 114 پەتەردەن تۇراتىن 51 جەكە تۇرعىن ٷي تۇرعىزىلدى. نەتيجەسٸندە 105 ٷلەسكەردٸڭ مەسەلەسٸ وڭدى شەشٸمٸن تاپتى.
وسىلايشا, بٷگٸنگٸ كٷنٸ الماتى وبلىسىندا ٷلەسكەرلٸك قۇرىلىستىڭ پروبلەمالىق مەسەلەلەرٸ تولىقتاي شەشٸلدٸ.
