الماتى وبلىسىنىڭ ورتالىعى - قونايەۆ قالاسىنىڭ جەرگىلىكتى تۇرعىندار، جاستار، بەلسەندىلەر مەن قوعامدىق ۇيىم وكىلدەرىنىڭ قاتىسۋىمەن «تازا جاعاجاي» ەكولوگيالىق اكسياسى ۇيىمداستىرىلدى، دەپ حابارلايدى Dalanews.kz
اكسيانىڭ ماقساتى – جاعاجاي ايماعىن تازارتۋ، سۋ ايدىندارىنىڭ لاستانۋىنىڭ الدىن الۋ جانە قورشاعان ورتانى قورعاۋعا قوعام نازارىن اۋدارۋ.
«ءبىزدىڭ ماقساتىمىز - تابيعاتتى تازا ۇستاۋ جانە بولاشاق ۇرپاققا مۇرا ەتۋ. ەكولوگيانىڭ تازالىعى مەن قورشاعان ورتانى كۇتىپ ۇستاۋ – ءاربىر ازاماتتىڭ نەگىزگى بورىشىنا اينالۋى ءتيىس. وسى ورايدا، بارشا تۇرعىندار بىرلەسىپ، وسىنداي شارالارعا بەلسەندى ات سالىسۋ قاجەتتىلىگىن ايتىپ وتكەن ءجون»، - دەدى شاھار ارداگەرلەرى ۇيىمىنىڭ ءتوراعاسى بازارباي ورالبايەۆ.
اكسيا بارىسىندا قاتىسۋشىلارعا قورشاعان ورتانى قورعاۋدىڭ ماڭىزدىلىعى تۋرالى اقپارات بەرىلىپ، ەكولوگيالىق تاربيە جۇمىستارى جۇرگىزىلدى.
جالپى، اتالمىش شاراعا 200-دەن استام ادام ات سالىسىپ، جاعاجايدى تۇرمىستىق قالدىقتاردان، پلاستيك بوتەلكەلەردەن، قاعازداردان جانە باسقا دا قوقىستاردان تازالادى. ناتيجەسىندە 3 توننادان استام قوقىس جينالدى.
بۇنداي ەكولوگيالىق شارالار الداعى ۋاقىتتا دا ءوز جالعاسىن تاپپاق.
