الماتى وبلىسى قاراساي اۋدانىنداعى مەكتەپتە 10 جاسار وقۋشى قىز ساباق ۇستىندە قازا تاپقان، دەپ جازادى Dalanews.kz.
بۇل قايعىلى جاعدايدى الماتى وبلىستىق ءبىلىم باسقارماسى دا راستادى. ونداعى دەرەككە قاراعاندا، 23 ساۋىردە قاراساي اۋدانى ق.قوشمامبەتوۆ اتىنداعى ورتا مەكتەپتە 2014 جىلى تۋعان 4-سىنىپ وقۋشىسى قايتىس بولعان.
«ساباق كەزىندە قىز بالا ءوزىن ناشار سەزىنىپ، ەسىنەن تانىپ قالعان. مەديسينالىق كومەك ق ر دەنساۋلىق ساقتاۋ ءمينيسترىنىڭ بۇيرىعىنا سايكەس كورسەتىلدى. مەديسينا ماماندارىنىڭ ارەكەتىنە قاراماستان، مەكتەپ وقۋشىسى جەدەل جاردەم كولىگىندە كوز جۇمدى»، - دەپ ءتۇسىندىردى ۆەدومستۆودان.
ءقازىر قۇقىق قورعاۋ ورگاندارى بۇل وقيعانىڭ ءمان-جايىن انىقتاپ جاتىر.
