Almaty oblysy Qarasai aýdanyndaǵy mektepte 10 jasar oqýshy qyz sabaq ústinde qaza tapqan, dep jazady Dalanews.kz.
Bul qaiǵyly jaǵdaidy Almaty oblystyq bilim basqarmasy da rastady. Ondaǵy derekke qaraǵanda, 23 sáýirde Qarasai aýdany Q.Qoshmambetov atyndaǵy orta mektepte 2014 jyly týǵan 4-synyp oqýshysy qaitys bolǵan.
«Sabaq kezinde qyz bala ózin nashar sezinip, esinen tanyp qalǵan. Meditsinalyq kómek QR Densaýlyq saqtaý ministriniń buiryǵyna sáikes kórsetildi. Meditsina mamandarynyń áreketine qaramastan, mektep oqýshysy jedel járdem kóliginde kóz jumdy», - dep túsindirdi vedomstvodan.
Qazir quqyq qorǵaý organdary bul oqiǵanyń mán-jaiyn anyqtap jatyr.
