الماتى وبلىسىندا مەملەكەتكە قايتارىلعان سۋ قويمالارىن قايتادان جەكەگە بەرمەك

الماتى وبلىسىندا مەملەكەت مەنشٸگٸنە قايتارىلعان سەگٸز سۋ قويماسى سەنٸمگەرلٸك باسقارۋعا بەرٸلمەك, دەپ حابارلايدى Dalanews.kz.

بۇعان دەيٸن بۇل سۋ نىساندارىنىڭ جالپى قۇنى 20 ملرد تەڭگەدەن اسادى دەپ باعالانعان. الايدا تەكسەرٸس كەزٸندە سەنٸمگەرلٸك باسقارۋشىلار كەلٸسٸمشارت تالاپتارىن ورىنداماعانى انىقتالدى: نىسانداردىڭ تەحنيكالىق جاعدايىن تيٸستٸ دەڭگەيدە ۇستاماعان ەرٸ جٷيەلەر مەن قۇرىلىستاردى تۇراقتى تٷردە تەكسەرمەگەن.

قايتادان سەنٸمگەرلٸككە بەرٸلەتٸن نىساندار قاتارىندا:

ەسٸك كٶلٸ بٶگەتٸ,

ساز-تالعار 7 سۋ قويماسى,

بايسەركە 2 بٶگەتٸ,

ۆوروشيلوۆ سۋ قويماسى بٶگەتٸ,

ك3 سۋ قويماسى,

تەرەڭقارا (جوعارعى) سۋ قويماسى,

ساز-تالعار 4,

ك30/1 سۋ قويماسى بار.

قازٸر بۇل نىساندار «الماتى وبلۆودحوز» مەملەكەتتٸك كەسٸپورنىنىڭ بالانسىندا تۇر. الداعى ۋاقىتتا سۋ قويمالارىن سەنٸمگەرلٸك باسقارۋعا بەرۋ ٷشٸن كونكۋرس جارييالانباق.

جاڭا باسقارۋشىلارعا قويىلاتىن تالاپتار مىنالار:

بەس جىلدا بٸر رەت كەشەندٸ زەرتتەۋ جٷرگٸزۋ,

بالانس ۇستاۋشىنىڭ اقاۋ اكتٸلەرٸنە سەيكەس كٷردەلٸ جٶندەۋ جاساۋ,

كەمٸندە 25 جاڭا جۇمىس ورنىن اشۋ.

ماقسات – كٶكتەمگٸ سۋارۋ ناۋقانىنىڭ ٷزدٸكسٸز ٶتۋٸن قامتاماسىز ەتٸپ, اۋىل شارۋاشىلىعى ٶندٸرۋشٸلەرٸنٸڭ جۇمىسىنا كەدەرگٸ كەلتٸرمەۋ.