Almaty oblysynda memleket menshigine qaıtarylǵan segiz sý qoımasy senimgerlik basqarýǵa berilmek, dep habarlaıdy Dalanews.kz.

Buǵan deıin bul sý nysandarynyń jalpy quny 20 mlrd teńgeden asady dep baǵalanǵan. Alaıda tekseris kezinde senimgerlik basqarýshylar kelisimshart talaptaryn oryndamaǵany anyqtaldy: nysandardyń tehnıkalyq jaǵdaıyn tıisti deńgeıde ustamaǵan ári júıeler men qurylystardy turaqty túrde teksermegen.

Qaıtadan senimgerlikke beriletin nysandar qatarynda:

Esik kóli bógeti,

Saz-Talǵar 7 sý qoımasy,

Baıserke 2 bógeti,

Voroshılov sý qoımasy bógeti,

K3 sý qoımasy,

Tereńqara (joǵarǵy) sý qoımasy,

Saz-Talǵar 4,

K30/1 sý qoımasy bar.

Qazir bul nysandar «Almaty oblvodhoz» memlekettik kásipornynyń balansynda tur. Aldaǵy ýaqytta sý qoımalaryn senimgerlik basqarýǵa berý úshin konkýrs jarıalanbaq.

Jańa basqarýshylarǵa qoıylatyn talaptar mynalar:

bes jylda bir ret keshendi zertteý júrgizý,

balans ustaýshynyń aqaý aktilerine sáıkes kúrdeli jóndeý jasaý,

keminde 25 jańa jumys ornyn ashý.

Maqsat – kóktemgi sýarý naýqanynyń úzdiksiz ótýin qamtamasyz etip, aýyl sharýashylyǵy óndirýshileriniń jumysyna kedergi keltirmeý.