الماتى وبلىسىندا ەر ادام پوليتسەيلەرگە وق اتىپ جٸبەرگەن, - دەپ حابارلايدى Dalanews.kz.
وقيعا 17 سەۋٸردە الماتى وبلىسىنداعى شەلەك اۋىلىندا بولعان. 1985 جىلى تۋعان ەيەل ادام كٷيەۋٸ ۇرىپ جاتقانى تۋرالى پوليتسيياعا حابار تٷسكەن. وقيعا ورنىنا پوليتسييا لەيتەنانتى سادىقوۆ پەن پوليتسييا اعا لەيتەنانتى اۋعامباەۆ كەلگەن.
پوليتسەيلەر ٷيگە كەلگەن كەزدە تۇرعىندى ٷيٸنەن شىعىپ, ەڭگٸمەلەسۋگە شاقىرعان. ەر ادام ٷيٸنە كٸرٸپ, قولىنا قارۋ اسىنىپ شىعىپ, پوليتسەيلەر جاققا وق اتىپ جٸبەرگەن. پوليتسەي اۋعامباەۆتىڭ وڭ جاق بٸلەگٸنە وق تيٸپ, العاشقى مەديتسينالىق كٶمەك كٶرسەتٸلۋٸ ٷشٸن اۋرۋحاناعا جەتكٸزٸلدٸ.
بۇل فاكت قىلمىستىق كودەكستٸڭ 380-بابىنىڭ 5-بٶلٸگٸندە كٶزدەلگەن قىلمىستىق قۇقىق بۇزۋشىلىق بەلگٸلەرٸ بويىنشا تٸركەلدٸ. تۇرعىننىڭ قارۋى ەكەسٸنٸڭ اتىنا تٸركەلگەن. ول جاساعان ٸسٸن مويىندادى.
