Almaty oblysynda er adam politseilerge oq atyp jibergen, - dep habarlaidy Dalanews.kz.
Oqiǵa 17 sáýirde Almaty oblysyndaǵy Shelek aýylynda bolǵan. 1985 jyly týǵan áiel adam kúieýi uryp jatqany týraly politsiiaǵa habar túsken. Oqiǵa ornyna politsiia leitenanty Sadyqov pen politsiia aǵa leitenanty Aýǵambaev kelgen.
Politseiler úige kelgen kezde turǵyndy úiinen shyǵyp, áńgimelesýge shaqyrǵan. Er adam úiine kirip, qolyna qarý asynyp shyǵyp, politseiler jaqqa oq atyp jibergen. Politsei Aýǵambaevtyń oń jaq bilegine oq tiip, alǵashqy meditsinalyq kómek kórsetilýi úshin aýrýhanaǵa jetkizildi.
Bul fakt Qylmystyq kodekstiń 380-babynyń 5-bóliginde kózdelgen qylmystyq quqyq buzýshylyq belgileri boiynsha tirkeldi. Turǵynnyń qarýy ákesiniń atyna tirkelgen. Ol jasaǵan isin moiyndady.
