قايرات جۇمانوۆ الماتى وبلىسى ءبىلىم باسقارماسىنىڭ باسشىسى لاۋازىمىنا تاعايىندالدى، دەپ حابارلايدى Dalanews.kz.
قايرات ءىزباسار ۇلى 1989 جىلى تۋعان، ءبىلىمى جوعارى. 2010 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن پسيحولوگيا ماماندىعى، 2012 جىلى ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن ەكونوميكا ماماندىعى، 2018 جىلى تۇران ۋنيۆەرسيتەتىن قۇقىقتانۋ ماماندىعى جانە 2021 جىلى ءال-فارابي اتىنداعى قازاق ۇلتتىق ۋنيۆەرسيتەتىن ىسكەرلىك اكىمشىلەندىرۋ ماماندىعى بويىنشا بىتىرگەن.
ەڭبەك جولىن 2009 جىلى الماتى قالاسىنداعى №105 گيمنازيانىڭ پەداگوگ-پسيحولوگى بولىپ باستاعان. ءار جىلدارى الماتى قالاسىنداعى ءبىلىم باسقارماسىنىڭ بوستاندىق اۋداندىق ءبىلىم بولىمىندە باس مامان، ءبولىم باسشىسى، الماتى قالاسى المالى اۋدانى اكىمىنىڭ اپپاراتى مادەنيەت جانە تىلدەردى دامىتۋ ءبولىمىنىڭ باسشىسى، الماتى قالاسى ءبىلىم باسقارماسى باسشىسىنىڭ ورىنباسارى، جەتىسۋ وبلىسىنىڭ ءبىلىم سالاسىندا ساپانى قامتاماسىز ەتۋ دەپارتامەنتىنىڭ باسشىسى لاۋازىمدارىن اتقارعان.
2025 جىلعى ساۋىردەن باستاپ المالى اۋدانى اكىمى اپپاراتىنىڭ باسشىسى لاۋازىمىندا قىزمەت ەتتى.
