Qairat Jumanov Almaty oblysy bilim basqarmasynyń basshysy laýazymyna taǵaiyndaldy, dep habarlaidy Dalanews.kz.
Qairat Izbasaruly 1989 jyly týǵan, bilimi joǵary. 2010 jyly Abai atyndaǵy Qazaq ulttyq pedagogikalyq ýniversitetin psihologiia mamandyǵy, 2012 jyly T.Rysqulov atyndaǵy Qazaq Ekonomikalyq ýniversitetin ekonomika mamandyǵy, 2018 jyly Turan ýniversitetin quqyqtaný mamandyǵy jáne 2021 jyly ál-farabi atyndaǵy Qazaq ulttyq ýniversitetin iskerlik ákimshilendirý mamandyǵy boiynsha bitirgen.
Eńbek jolyn 2009 jyly Almaty qalasyndaǵy №105 gimnaziianyń pedagog-psihology bolyp bastaǵan. Ár jyldary Almaty qalasyndaǵy Bilim basqarmasynyń Bostandyq aýdandyq bilim bóliminde bas maman, bólim basshysy, Almaty qalasy Almaly aýdany ákiminiń apparaty Mádeniet jáne tilderdi damytý bóliminiń basshysy, Almaty qalasy Bilim basqarmasy basshysynyń orynbasary, Jetisý oblysynyń bilim salasynda sapany qamtamasyz etý departamentiniń basshysy laýazymdaryn atqarǵan.
2025 jylǵy sáýirden bastap Almaly aýdany ákimi apparatynyń basshysy laýazymynda qyzmet etti.
