جەتى وزەنى توعىسقان ولكەدە، جاۋىرىنى جەرگە تيمەگەن ۇلتتىڭ ۇلاندارىن شىڭداۋ ماقساتىندا ءتۇرلى سپورتتىق شارالار جۇزەگە اسۋدا. ال، كىل جۇيرىكتەر توپ جاراتىن الامانعا ساڭلاقتاردى دايىنداۋ ۇشىندە، ارانايى «التىن وردا» قۇرىلۋى ءتيىس. بۇل رەتتە، ءوڭىر باسشىلىعى نىسانادان ءمۇلت كەتپەدى.
وعلانداردىڭ باسىن ءبىر ارناعا توعىستىرۋ ماقساتىندا، 2019 جىلدىڭ ناۋرىز ايىندا الماتى وبلىسىنىڭ جاۋىنگەرلىك ونەر قاۋىمداستىعى قۇرىلعان-دى. اتالعان بىرلەستىككە 16 وبلىستىق سپورت فەدەراسيالارى كىرەدى. ءبىر شاڭىراقتىڭ استىندا توپتاستىرىلعان سپورتتىق ۇجىم جۇيەلى ىستەر اتقارىپ كەلەدى. سونىڭ ءبىر دالەلى، 2019 جىلى مامىر ايىندا وبلىستىق جاۋىنگەرلىك ونەر فەستيۆالىن ۇيىمداستىرعانىن اتاپ ايتۋعا بولادى. بۇعان بارلىق 16 فەدەراسيا قاتىسقان بولاتىن.
اينالاسى ەكى جىلدىڭ ىشىندە الماتى وبلىسىنداعى جاۋىنگەرلىك ونەر اسسوسياسياسىنداعى سپورت تۇرلەرى بويىنشا توپ جارعان سپورتشىلاردىڭ جەتىستىگى اۋىز تولتىرىپ ايتارلىقتاي.
– ءبىزدىڭ سايىپ قىراندارىمىز، وسى ۋاقىت ىشىندە ازيا ويىندارىنان 2 التىن، 3 قولا مەدال. الەم چەمپيوناتتارىنان 78 التىن، 54 كۇمىس، 57 قولا جۇلدە، ازيا چەمپيوناتتارىندا 63 التىن، 17 كۇمىس، 21 قولانى قانجىعاعا بايلادى. 85 سپورتشى حالىقارالىق دەڭگەيدەگى سپورت شەبەرى. 115ء-ى ق ر سپورت شەبەرى دارەجەسىنگە جەتىپ وتىر، – دەيدى الماتى وبلىسى بويىنشا جاۋىنگەرلىك ونەر قاۋىمداستىعىنىڭ جەتەكشىسى ايدوس ءابىلماجىن ۇلى.
ايماقتا، سپورت سالاسىنا قاجەتتى كوڭىل بولىنۋدە. ونىڭ ايقىن كورىنىسى، ەلدى مەكەندەردە زاماناۋي كەشەن قۇرىلىسىنىڭ باستاۋ الۋى. كەزەدەسۋ بارىسىندا رۋستام الي:
– وبلىسىمىزدىڭ بارلىق اۋدانداردا دەنە شىنىقتىرۋ-ساۋىقتىرۋ كەشەنى سالىنۋدا. بۇگىندە ونىڭ سانى 11-گە جەتتى. تاعى بەسەۋى بيىلعى جىلى قولدانىسقا بەرىلەدى. وبلىستىق سپورت باسقارماسىنىڭ ۇسىنىسىمەن 8 شاعىن دەنە شىنىقتىرۋ-ساۋىقتىرۋ كەشەنىن سالۋ جوسپارلانعان. مۇنداي نىسان حالىق سانى 3 مىڭنان اسقان شالعاي اۋىلدى مەكەندەردە بوي كوتەرەدى. الداعى تاڭدا وسى باعىتتا جۇمىس جاسالىنا بەرەدى، – دەپ ايتتى.
ەلىمىزدە جاۋىنگەرلىك ونەردەن بولەك، اتادان بالاعا مۇرا بولىپ قالعان ۇلتتىق قۇندىلىعىمىز، قازاق كۇرەسىن رەسپۋبليكالىق جانە حالىقارالىق ارەنادا دامىتۋ جۇمىسىدا جولعا قويىلعان.
اتالعان مەجەنى باعىندىرۋ ماقساتىندا «قازاق كۇرەسى» فەدەراسياسى قۇرىلدى. سونداي-اق، «قازاق كۇرەسى» قاۋىمداستىعىنىنىڭ پرەزيدەنتى كارىم ءماسىموۆتىڭ قولداۋىمەن «قازاق كۇرەسى اكادەمياسى» ەسىگىن ايقارا اشقان ەدى. وسى ارقىلى سپورت سالاسىندا، عىلىمي-پراكتيكالىق بازانى نىعايتىپ، مامانداردىڭ بىلىكتىلىگىن ارتتىرۋ كوزدەلگەن.
سونىمەن قاتار، «رۋحاني جاڭعىرۋ قازاقستاندىق قوعامدىق دامۋ» ينيستيتۋتىمەن بىرلەسە وتىرىپ، «قازاق كۇرەسى» ارنايى تۇجىرىمداماسى دايىندالعانىن اتاپ وتكەن ءجون. جوبا، ۇلتتىق كۇرەستى ناسيحاتتاۋ ارقىلى، قازاق حالقىنىڭ بىرەگەيلىگىن ساقتاپ، الەمدىك دەڭگەيدە قازاقستاننىڭ وڭ يممەدجىن قالىپتاستىرۋعا باعىتتالعان.
ۇلتتىق سپورتتىڭ بەدەلىن كوتەرۋگە ارنالعان ءىس-شارالار لەگى مۇنىمەن تولاستار ەمەس. اعىمداعى جىلى العاش رەت، «ۇزدىكتەردىڭ ۇزدىگى!» اتتى ەلباسى نۇرسۇلتان نازاربايەۆتىڭ كۋبوگى ءۇشىن سايىس ۇيىمداستىرىلادى. اتالعان دودا دا 8 سالماق دارەجەسىندە سپورتشىلار ب ا ق سىنايدى. سولايشا، ەلىمىزدىڭ باس پالۋانى انىقتالادى.
جيىن بارىسىندا، الماتى وبلىسىندا «ءبورى» اتتى قازاق كۇرەسى فەدەراسياسى، قوعامدىق بىرلەستىگى قۇرىلعانى تىلگە تيەك ەتىلدى. بىرلەستىك 2013 جىلى 25 ساۋىردە زاڭدى تۇردە تىركەلگەن. بۇگىنگى كۇنى فەدەراسيادا 1500-دەن استام سپورتشى تىركەلگەن. قازىردە 56 جاتتىقتىرۋشى جۇمىس ىستەيدى، ونىڭ 4ء-ى جوعارى ساناتتى. جالپى وبلىس بويىنشا، 17 اۋدان، 2 قالادا قازاق كۇرەسى بولىمدەرى جۇمىس ىستەيدى. ولاردىڭ بارلىعى ارنايى جابدىقتارمەن قامتىلعان. بۇل رەتتە، وبلىستىق سپورت باسقارماسىنىڭ جان-جاقتى قولداۋ بىلدىرەتىندىگىن باسا ايتقان ابزال.
القالى وتىرىسقا ارنايى كەلگەن، «قازاقستاننىڭ جاۋىنگەرلىك ونەر قاۋىمداستىعى» جانە «قازاق كۇرەسى» قاۋىمداستىعىنىڭ باس ديرەكتورى ابات سامات ۇلى، قالاداعى سپورت نىساندارىنىڭ جاعدايىنا جوعارى دەڭگەيدە باعا بەرىپ، ايماق الەۋەتى تۋرالى ءسوز قوزعادى.
– مەن تالدىقورعانعا اراعا ون جىل سالىپ كەلىپ وتىرمىن. شاھار كورىكتى تۇردە دامىعان. كورسەڭ كوزىڭ تويادى. ءبىرقاتار. سپورتتىق نىسانداردىڭ بوي كوتەرگەنى سپورتشى قاۋىم ءۇشىن ۇلكەن قۋانىش. ءوڭىر حالقىنا، اسىرەسە جاستاردىڭ جان-جاقتى جەتىلۋىنە ىقپال ەتىپ وىترعان وبلىس باسشىلىعىنا العىسىمدى بىلدىرەمىن. سپورتتىڭ قاي ءتۇرى بولماسىن ەرەكشە. سونىڭ ىشىندە ءبىزدىڭ ۇلتىمىزدىڭ قانىمەن بىتە قايناسقانى قازاقشا كۇرەس. بۇل ءبىزدىڭ ماقتانىشىمىز، – دەپ تۇيىندەدى ابات يمامبايەۆ.
