«قازىرگى ءبىزدىڭ باستى مىندەتتەرىمىزدىڭ ءبىرى – بالالاردى قورعاۋ جانە قولداۋ» دەگەن وبلىس اكىمى وقۋ جىلىنىڭ باسىنا از قامتىلعان وتباسىلاردان شىققان 27 765 بالانى 1 ملرد 47 ملن تەڭگەگە مەكتەپ فورماسىمەن جانە كەڭسە كەرەك-جاراقتارىمەن قامتاماسىز ەتىلەتىنىن ايتتى. سونىمەن قاتار دەمەۋشىلەر مەن جەكە كاسىپكەرلەر، مەملەكەتتىك مەكەمەلەر تاراپىنان 17019 وقۋشىعا 230 ملن 500 مىڭ تەڭگەگە كولەمىندەگى قاراجاتقا مەكتەپ فورماسى، وقۋ قۇرال-جابدىقتارى الىنعان.
بۇگىنگى كۇنى پەداگوگ مارتەبەسى جوعارى ماماندىققا اينالدى. مەملەكەت تاراپىنان ۇستازداردى قولداۋ، قورعاۋ شارالارىنىڭ ءبىرى – ءتورت جىل ىشىندە پەداگوگتار جالاقىسىن 100%-عا كوتەرۋ بەلگىلەنگەن، كەلەر جىلدىڭ قاڭتار ايىندا پەداگوگتار جالاقىسى تاعى دا 25%-عا جوعارلايدى.
الماتى وبلىسى اكىمىنىڭ ايتۋىنشا، قازىرگى كەزدە وبلىستاعى جالپى ورتا ءبىلىم بەرەتىن مەكتەپتەرگە 467 مۇعالىمگە قاجەتتىلىك بار.
كەڭەس بارىسىندا، مارات ەلەۋسىز ۇلى وبلىس تۇرعىندارىنىڭ بالاباقشاعا دەگەن قاجەتتىلىگىن قاناعاتتاندىرۋدا جەكەمەنشىك بالاباقشالار جەلىسى ايماقتا قارقىندى دامىپ كەلە جاتقانان تىلگە تيەك ەتتى ونىڭ ايقىن دالەلى رەتىندە 2022 جىلدىڭ 8 ايىنىڭ الماتى وبلىسىندا 25 جەكەمەنشىك بالاباقشا اشىلعانىن ايتۋعا بولادى.
