«Qazirgi bizdiń basty mindetterimizdiń biri – balalardy qorǵaý jáne qoldaý» degen oblys ákimi oqý jylynyń basyna az qamtylǵan otbasylardan shyqqan 27 765 balany 1 mlrd 47 mln teńgege mektep formasymen jáne keńse kerek-jaraqtarymen qamtamasyz etiletinin aıtty. Sonymen qatar demeýshiler men jeke kásipkerler, memlekettik mekemeler tarapynan 17019 oqýshyǵa 230 mln 500 myń teńgege kólemindegi qarajatqa mektep formasy, oqý qural-jabdyqtary alynǵan.
Búgingi kúni pedagog mártebesi joǵary mamandyqqa aınaldy. Memleket tarapynan ustazdardy qoldaý, qorǵaý sharalarynyń biri – tórt jyl ishinde pedagogtar jalaqysyn 100%-ǵa kóterý belgilengen, keler jyldyń qańtar aıynda pedagogtar jalaqysy taǵy da 25%-ǵa joǵarlaıdy.
Almaty oblysy ákiminiń aıtýynsha, qazirgi kezde oblystaǵy jalpy orta bilim beretin mektepterge 467 muǵalimge qajettilik bar.
Keńes barysynda, Marat Eleýsizuly oblys turǵyndarynyń balabaqshaǵa degen qajettiligin qanaǵattandyrýda jekemenshik balabaqshalar jelisi aımaqta qarqyndy damyp kele jatqanan tilge tıek etti Onyń aıqyn dáleli retinde 2022 jyldyń 8 aıynyń Almaty oblysynda 25 jekemenshik balabaqsha ashylǵanyn aıtýǵa bolady.