جيىندا قۇتتىقتاۋ ءسوز سويلەگەن وبلىس اكىمى اماندىق باتالوۆ وبلىستىق ەكى گازەتتىڭ اقپارات كەڭىستىگىندەگى ولاردىڭ رولىنە توقتالىپ ءوتتى.
- بۇگىن «جەتىسۋ» جانە «وگني الاتاۋ» گازەتتەرىنىڭ 100 جىلدىعىنا ارنالعان سالتاناتتى كەش جۋرناليستەردىڭ كاسىبي مەرەكەسى قارساڭىندا اتالىپ، قوس قۋانىش قاتار كەلىپ وتىر. سوندىقتان بارشا جۋرناليستەردى ءتول مەرەكەلەرىمەن قۇتتىقتاپ، شىعارماشىلىق تابىس تىلەيمىن! بۇل ەكى گازەت ءوزىنىڭ عاسىرلىق عۇرىمىندا قانداي ءداۋىردى، قانداي كەزەڭدەردى باستان كەشىرسە دە، ماقسات-مۇددەسى وزگەرگەن جوق، - دەدى ا. باتالوۆ.
جۋرناليستەر قاۋىمىنا ارىپتەستىك بايلانىسى ءۇشىن ريزاشىلىعىن ايتا كەلە:
- ءسوزدىڭ قۋاتى، جۋرناليستيكانىڭ قايراتى قاشاندا مىقتى. بۇقارالىق اقپارات قۇرالدارى قاشاندا حالىق پەن بيلىكتىڭ اراسىنداعى التىن كوپىر بولىپ كەلەدى.
مەملەكەتتىك ساياساتتى، ەل ىشىندە جۇرگىزىلىپ جاتقان ءىرى رەفورمالاردى، رۋحاني جاڭعىرۋ قادامدارىن حالىققا جەتكىزۋدە ب ا ق بىزگە زور قولداۋ كورسەتىپ وتىر.
سول ءۇشىن بارشاڭىزعا ريزاشىلىعىمدى بىلدىرەمىن! باستى بايلىعىمىز – تاۋەلسىزدىكتى نىعايتۋ جولىنداعى ەڭبەكتەرىڭىز جەمىستى، قالامدارىڭىز قارىمدى، مەرەكەلەرىڭىز قۇتتى بولسىن! – دەدى ءوز سوزىندە وبلىس اكىمى.
بۇدان ءارى ماراپاتتاۋ راسىمىنە كوشكەن وبلىس باسشىسى ا. باتالوۆ الدىمەن ق ر اقپارات جانە كوممۋنيكاسيا مينيسترلىگىنىڭ «اقپارات سالاسىنىڭ ۇزدىگى» توسبەلگىسىن «جەتىسۋ» گازەتى باس رەداكتورىنىڭ ورىنباسارى جۇماتاي امىرەيەۆكە، اعا ءتىلشى قۋات قايرابايەۆقا، جاۋاپتى حاتشى گاۋھار دۇيسەنبايەۆاعا، سول سياقتى «وگني الاتاۋ» گازەتىنىڭ مەنشىكتى ءتىلشىسى تانزيليا مۇحتاروۆا مەن ۆاسيليي ۆوروبيەۆكە تاقتى. سونداي-اق ءبىر قاۋىم تىلشىلەر وبلىس اكىمىنىڭ قۇرمەت گراموتاسىن جانە العىس حاتىن، «نۇر وتان» پارتياسىنىڭ «بەلسەندى قىزمەتى ءۇشىن» توسبەلگىسىن الدى.
سونىمەن قاتار وبلىس اكىمى ا. باتالوۆ وبلىستىق «جەتىسۋ» جانە «وگني الاتاۋ» گازەتتەرىنىڭ 6 جۋرناليسىنە پاتەر كىلتتەرىن ۇسىندى.
سونداي-اق قازاقستان جۋرناليستەر وداعىنىڭ «قازاقستاننىڭ قۇرمەتتى ءجۋرناليسى» توسبەلگىسى «جەتىسۋ» گازەتى باس رەداكتورىنىڭ ورىنباسارى ءنۇسىپباي ءابدىراحىمعا، «وگني الاتاۋ» گازەتى باس رەداكتورىنىڭ ورىنباسارلارى زابيرا ءسايدىلدينا مەن ۆيتاليي پەكەلنيككە «ولكە تىنىسى» ج ش س باس ديرەكتورى مەيرام ءجانادىلوۆ تاپسىردى.
ال قوعامدىق ماراپاتتار مەن اتاقتار جونىندەگى رەسپۋبليكالىق كەڭەستىڭ «قازاق جۋرناليستيكاسىنىڭ قايراتكەرى» مەدالىمەن ءبىرقاتار ارداگەرلەر مەن گازەتتەردىڭ تاجىريبەلى تىلشىلەرىن كەڭەس ءتوراعاسى مارات توقاشبايەۆ ماراپاتتادى.
ماراپاتتالعاندار قاتارىندا «وگني الاتاۋ» گازەتىنىڭ باس رەداكتورى اتساليم يديگوۆ پەن «ولكە تىنىسى» ج ش س باس ديرەكتورىنىڭ ورىنباسارى بولات اباعان دا بار.
جاڭا باسپاناعا يە بولعاندار اتىنان «وگني الاتاۋ» گازەتىنىڭ ءتىلشىسى تاتيانا دەميدوۆا مەن جەتىسۋلىق اسىل سۇلتانعازى سويلەپ، وبلىستا جۋرناليستەردىڭ جۇمىس ىستەۋىنە جايلى جاعداي جاسالىپ، گازەتتەردىڭ ماتەريالدىق-تەحنيكالىق بازاسى جاقسارعانىن، باسپانا ماسەلەسىندە دە قولداۋ كورسەتىلىپ وتىرعانىنا العىس ايتتى.
جيىندا قازاقستان جۋرناليستەر اكادەمياسىنىڭ پرەزيدەنتى ساعىمباي قوزىبايەۆ پەن ق ر قۇرمەتتى ءجۋرناليسى ماماديار جاقىپ ءسوز سويلەپ، وبلىستىق گازەتتەردىڭ 100 جىلدىعىمەن قۇتتىقتاپ، ىزگى تىلەكتەرىن ءبىلدىردى.
ءوز كەزەكتەرىندە مەرەيتويلىق ەكى گازەتتىڭ باس رەداكتورلارى اتساليم يديگوۆ پەن امىرە ءارىن قالام يەلەرىنە قۇرمەت كورسەتىپ، ساپالى جۇمىس اتقارۋىنا قولايلى جاعداي تۋىعىزىپ، قامقورلىق تانىتىپ وتىرعان وبلىس باسشىلىعىنىڭ اتىنا ەرەكشە ريزاشىلىقتارىن ءبىلدىردى. بۇدان بىلاي دا مەملەكەتتىك اقپاراتتىق ساياساتتى ىلگەرىلەتۋدە لايىقتى ۇلەس قوساتىندىقتارىنا سەندىردى.
شارا سوڭى مەرەكەلىك كونسەرتپەن جانە سالتاناتتى كەشكى اسپەن جالعاستى.
