جالپى العاندا وسى سالادا 9 بٸردەي سۋ جاڭا ٶندٸرٸس وشاعى ٸسكە قوسىلعان. نەتيجەسٸندە ايماق حالقىنىڭ قامى ٷشٸن قوسىمشا 352 جۇمىس ورنى قۇرىلعان بولاتىن. وبلىستاعى مەجەلٸ مٸندەتتەر ٶز رەتٸمەن ورىندالۋدا دەپ ايتقانىمىزبەن ٶڭٸردٸڭ كەي ايماقتارىندا ٶندٸرٸستٸك نىساننىڭ ورنى دا جوق. ناقتىلار بولساق, بالقاش, ەڭبەكشٸقازاق, قاراساي, كەگەن, رايىمبەك, تالعار جەنە ۇيعىر اۋداندارىندا ٶندٸرٸستٸك نىسان ەلٸ كٷنگە ٸسكە قوسىلماعان.
وبلىستاعى جەڭٸل ٶنەركەسٸپ ٶندٸرٸسٸنٸڭ جاعدايى مەز ەمەس. مۇنداعى ٶنٸم ٶنٸمدٸلٸگٸ 10,6%-عا تٶمەندەگەن. بٸر عانا رايىمبەك اۋدانىندا ٶندٸرٸستەگٸ ٶسٸم 41,8%-عا تٷسٸپ كەتكەن, نەتيجەسٸندە جىلدىق جوسپار نەبەرٸ 21%-عا ورىندالعان-دى.
الايدا, وبلىس باسشىلىعى قارقىندى ٷدەتٸپ, پايدانى ەسەلەۋگە بار كٷشٸن سالۋدا. ونىڭ بٸر عانا دەلەلٸ, يندۋستريالاندىرۋ كارتاسى اياسىندا 56,2 ملرد تەڭگەگە 657 جۇمىس ورنىن قۇرۋمەن 3 جوبانىڭ ٸسكە اسىرۋى. بۇل قاتاردا ٸلە اۋدانىندا قۋاتى جىلىنا 80 كەلٸ دورە التىن-كٷمٸس قورىتپاسىن ٶندٸرەتٸن «امەتيست» گيدرومەتاللۋرگييالىق تسەحى ٸسكە قوسىلعانىن اتاپ ٶتكەن ابزال.
ايماق باسشىلىعىنىڭ سٶزٸنە سٷيەنسەك, جىل سوڭىنا دەيٸن ٶنەركەسٸپ ٶندٸرٸسٸنٸڭ كٶلەمٸن 2,3% ٶسٸممەن 1,4 ترلن تەڭگەگە جەتكٸزۋ, ال ٶڭدەۋ ٶنەركەسٸبٸنٸڭ ەكسپورتىن 451,5 ملن اقش دوللارىنا جەتكٸزۋ كٶزدەلگەن.
سول سەبەپتٸ دە الماتى وبلىسىنىڭ ەكٸمٸ مارات سۇلتانعازيەۆ وبلىستاعى ەڭ ٸرٸ «مارەۆەن فۋد تيان-شان» جشس, «Aluminium of Kazakhstan» جشس جەنە «Tree Energy» جشس سيياقتى ينۆەستيتسييالىق كومپانييالارىنىڭ باسشىلارىمەن تۇراقتى تٷردە جەكە كەزدەسۋلەر ٶتكٸزٸپ كەلەدٸ.
الايدا, زاۋىتتا ٶندٸرٸلەتٸن ٶنٸمدەردٸڭ باسىم بٶلٸگٸ سىرت اسىپ جاتقانى جاسىرىن ەمەس. ٶزٸمٸزدەن بۇرىن ٶزگەنٸڭ نارىعىن تولتىرعان بۇل تاماق ٶنٸمدەرٸنٸڭ ٸشكٸ نارىقتى قامتۋ قاجەتتٸگٸ باستى مەسەلە بولىپ قالا بەرۋدە.
ايتا كەتەيٸك, «مارەۆەن فۋد تيان-شان» جشس ەكٸ باعىت بويىنشا جۇمىس جاساپ كەلەدٸ, ەندٸگٸ كەزەكتە ٷشٸنشٸ باعىت رەتٸندە ۇن تارتۋعا دەن قويىپ, ارنايى تسەح اشپاقشى.
ايماقتاعى كومپانييالاردىڭ ٸشٸندە سالماقتىسى بولىپ تالىباتىن الىپ «مارەۆەن فۋد تيان-شان» جشس-گٸ اعىمداعى جىلدىڭ بٸرٸنشٸ جارتى جىلدىعىن 35,0 ملرد تەڭگە بولاتىن ينۆەستيتسييا كٶلەمٸمەن تٷيٸندەگەن ەدٸ. ٶندٸرٸستٸك قۋاتى جىلى 85 مىڭ توننادان استام دايىن ٶنٸم شىعارۋعا قاۋقارلى كەسٸپورىن جەرگٸلٸكتٸ تۇرعىنداردىڭ 90%-ىن جۇمىسپەن قامتىپ وتىر. ونىسى كٶڭٸلگە مەدەت.
الماتى وبلىسىننىڭ ورتالىعىنان بٶلەك, ٸرگەلەس جاتقان ٸلە اۋدانىدا كەسٸپورىن وشاعى شوعىرلانعان جەر دەسەكتە بولادى. مۇنداعى «Hoffmann» ساۋدا بەلگٸسٸمەن «Aluminium of Kazakhstan» جشس كەڭ ماقساتتاعى اليۋمينيي پروفيلدەرٸن ٶندٸرۋ بويىنشا تولىق تسيكلدٸ ٶندٸرٸس ورنى جۇمىس جاسايدى. كومپانييا 2013 جىلى جەرگٸلٸكتٸ ٶندٸرۋشٸلەردٸ قولداۋ جەنە دامىتۋ ماقساتىندا قۇرىلعان.
كومپانييا ٶنٸدەرٸ ەل امۋعىندا ەرتٷرلٸ ماڭىزدى نىسانداردى سالۋدا تۇراقتى تٷردە قولدانىلىپ كەلەدٸ. ٸرگە تاسى قالانعان سەتتەن بەرٸ قاراي 30 مىڭ تونناداي ٶنٸمدٸ شىعارعان بۇل كەسٸپورىنداعى جۇمىس ورىندارىنىڭ سانى 700-دٸ قۇراپ وتىر.
جالعىز ٶزٸ عانا قازىناعا 2 ملرد تٷسٸم بەرەدٸ. ايماقتاعى قوس ٸرٸ كومپانييانىڭ ەزٸرگٸ ەلەۋەتٸ وسىنداي. الداعى ۋاقىتتا وسى باعىتتاعى ٸستەر جاندانا تٷسەدٸ دەگەن سەنٸمدەمٸز.
بٷگٸنگٸ تاڭدا ٶڭٸردە جىل باسىنان بەرٸ وبلىستا 54,2 ملرد تەڭگەنٸڭ 10 ٸرٸ ينۆەستيتسييالىق جوباسى جٷزەگە اسىرىلىپ, 700-گە جۋىق جۇمىس ورنى اشىلعان. اۋقىمدى جوبالار قاتارىنان «ناۋرىز اگرو» اسىل تۇقىمدى قۇس رەپرودۋكتورى, «اليۋگال» قورىتپالارىنان قۇرىلىس ماتەريالدارىن شىعاراتىن زاۋىت, «مەديكال حولدينگ Sintez-KZ» مەديتسينالىق تيتان يمپلانتاتتارى مەن ترەناجەرلار ٶندٸرٸسٸ جەنە «قاراساز اگرو» بالىق شارۋاشىلىعىن كٶرۋگە بولادى.
جالپى الماتى وبلىسىندا 8 اي ٸشٸندە ينۆەستيتسييا اعىنى 19%-عا ارتىپ, ونىڭ جالپى سوماسى 320 ملرد تەڭگەدەن اسىپ جىعىلعان بولاتىن.
