Jalpy alǵanda osy salada 9 birdei sý jańa óndiris oshaǵy iske qosylǵan. Nátijesinde aimaq halqynyń qamy úshin qosymsha 352 jumys orny qurylǵan bolatyn. Oblystaǵy mejeli mindetter óz retimen oryndalýda dep aitqanymyzben óńirdiń kei aimaqtarynda óndiristik nysannyń orny da joq. Naqtylar bolsaq, Balqash, Eńbekshiqazaq, Qarasai, Kegen, Raiymbek, Talǵar jáne Uiǵyr aýdandarynda óndiristik nysan áli kúnge iske qosylmaǵan.
Oblystaǵy jeńil ónerkásip óndirisiniń jaǵdaiy máz emes. Mundaǵy ónim ónimdiligi 10,6%-ǵa tómendegen. Bir ǵana Raiymbek aýdanynda óndiristegi ósim 41,8%-ǵa túsip ketken, nátijesinde jyldyq jospar nebári 21%-ǵa oryndalǵan-dy.
Alaida, oblys basshylyǵy qarqyndy údetip, paidany eseleýge bar kúshin salýda. Onyń bir ǵana dáleli, Indýstrialandyrý kartasy aiasynda 56,2 mlrd teńgege 657 jumys ornyn qurýmen 3 jobanyń iske asyrýy. Bul qatarda Ile aýdanynda qýaty jylyna 80 keli dore altyn-kúmis qorytpasyn óndiretin «Ametist» gidrometallýrgiialyq tsehy iske qosylǵanyn atap ótken abzal.
Aimaq basshylyǵynyń sózine súiensek, jyl sońyna deiin ónerkásip óndirisiniń kólemin 2,3% ósimmen 1,4 trln teńgege jetkizý, al óńdeý ónerkásibiniń eksportyn 451,5 mln AQSh dollaryna jetkizý kózdelgen.
Sol sebepti de Almaty oblysynyń ákimi Marat Sultanǵaziev oblystaǵy eń iri «Mareven Fýd Tian-Shan» JShS, «Aluminium of Kazakhstan» JShS jáne «Tree Energy» JShS siiaqty investitsiialyq kompaniialarynyń basshylarymen turaqty túrde jeke kezdesýler ótkizip keledi.
Alaida, zaýytta óndiriletin ónimderdiń basym bóligi syrt asyp jatqany jasyryn emes. Ózimizden buryn ózgeniń naryǵyn toltyrǵan bul tamaq ónimderiniń ishki naryqty qamtý qajettigi basty másele bolyp qala berýde.
Aita keteiik, «Mareven Fýd Tian-Shan» JShS eki baǵyt boiynsha jumys jasap keledi, endigi kezekte úshinshi baǵyt retinde un tartýǵa den qoiyp, arnaiy tseh ashpaqshy.
Aimaqtaǵy kompaniialardyń ishinde salmaqtysy bolyp talybatyn alyp «Mareven Fýd Tian-Shan» JShS-gi aǵymdaǵy jyldyń birinshi jarty jyldyǵyn 35,0 mlrd teńge bolatyn investitsiia kólemimen túiindegen edi. Óndiristik qýaty jyly 85 myń tonnadan astam daiyn ónim shyǵarýǵa qaýqarly kásiporyn jergilikti turǵyndardyń 90%-yn jumyspen qamtyp otyr. Onysy kóńilge medet.
Almaty oblysynnyń ortalyǵynan bólek, irgeles jatqan Ile aýdanyda kásiporyn oshaǵy shoǵyrlanǵan jer desekte bolady. Mundaǵy «Hoffmann» saýda belgisimen «Aluminium of Kazakhstan» JShS keń maqsattaǵy aliýminii profilderin óndirý boiynsha tolyq tsikldi óndiris orny jumys jasaidy. Kompaniia 2013 jyly jergilikti óndirýshilerdi qoldaý jáne damytý maqsatynda qurylǵan.
Kompaniia ónideri el amýǵynda ártúrli mańyzdy nysandardy salýda turaqty túrde qoldanylyp keledi. Irge tasy qalanǵan sátten beri qarai 30 myń tonnadai ónimdi shyǵarǵan bul kásiporyndaǵy jumys oryndarynyń sany 700-di qurap otyr.
Jalǵyz ózi ǵana qazynaǵa 2 mlrd túsim beredi. Aimaqtaǵy qos iri kompaniianyń ázirgi áleýeti osyndai. Aldaǵy ýaqytta osy baǵyttaǵy ister jandana túsedi degen senimdemiz.
Búgingi tańda óńirde jyl basynan beri oblysta 54,2 mlrd teńgeniń 10 iri investitsiialyq jobasy júzege asyrylyp, 700-ge jýyq jumys orny ashylǵan. Aýqymdy jobalar qatarynan «Naýryz Agro» asyl tuqymdy qus reprodýktory, «Aliýgal» qorytpalarynan qurylys materialdaryn shyǵaratyn zaýyt, «Medikal Holding Sintez-KZ» meditsinalyq titan implantattary men trenajerlar óndirisi jáne «Qarasaz Agro» balyq sharýashylyǵyn kórýge bolady.
Jalpy Almaty oblysynda 8 ai ishinde investitsiia aǵyny 19%-ǵa artyp, onyń jalpy somasy 320 mlrd teńgeden asyp jyǵylǵan bolatyn.
