الماتى وبلىسى «ساپالى بٸلٸم» نوميناتسيياسى بويىنشا World Innovation Award 2024 جٷلدەسٸن جەڭٸپ الىپ, حالىقارالىق دەڭگەيدە تانىلدى. ايماق تابىستى بٸلٸم بەرۋ جوبالارى مەن رەفورمالارىنىڭ ارقاسىندا 128 ەل اراسىندا كٶش باستادى.
نەگٸزگٸ جەتٸستٸكتەر:
- جاڭا مەكتەپتەر: 19 مەكتەپ سالىندى, 18 مىڭ وقۋ ورنى قۇرىلدى.
- جەكە ينۆەستيتسييالار: جەكە قاراجات ەسەبٸنەن 5 زاماناۋي مەكتەپ سالىندى. ٷش اۋىسىمدا وقيتىن مەكتەپتەر سانى 52-دەن 39-عا دەيٸن تٶمەندەدٸ.
- حالىقارالىق ىنتىماقتاستىق: 12 وقۋشى قىتايدا وقۋعا گرانت الدى, سونداي-اق قوناەۆتا شەتەلدٸك جوعارى وقۋ ورىندارىنىڭ فيليالدارىن قۇرۋ تۋرالى مەموراندۋمعا قول قويىلدى.
- تالانتتاردى قولداۋ: "50 تابىستى مەكتەپ" باعدارلاماسى 42 مىڭ وقۋشى مەن 3 مىڭنان استام پەداگوگتى قامتىدى. 145 وقۋشى وليمپيادالاردىڭ جەڭٸمپازدارى اتاندى, ولاردىڭ 14-ٸ حالىقارالىق بايقاۋلاردا مەدال الدى.
- بٸلٸم بەرۋگە ينۆەستيتسييالار: 207 مەكتەپتە 236 كابينەت ٷشٸن جابدىق ساتىپ الىندى. 2024 جىلى ماتەريالدىق-تەحنيكالىق بازانى جاڭارتۋعا 590 ملن تەڭگە بٶلٸندٸ.
نەتيجەلەر:
- مەكتەپتەردٸڭ جابدىقتالۋى 75,5% — عا, وقۋشىلاردىڭ بٸلٸم دەڭگەيٸ 66,1% - عا دەيٸن ٶستٸ.
- وليمپيادا جٷلدەگەرلەرٸنٸڭ سانى ٷش جىلدا 45-تەن 145-كە دەيٸن ٶستٸ.
-الماتى وبلىسىنىڭ كومانداسى جاراتىلىستانۋ-ماتەماتيكالىق باعىت بويىنشا رەسپۋبليكالىق وليمپيادادا 2-شٸ ورىنعا يە بولدى.
الماتى وبلىسى بٸلٸم بەرۋگە بەلسەندٸ ينۆەستيتسييا سالۋدى جالعاستىرۋدا. بۇل حالىقارالىق ارەنادا جوعارى نەتيجەلەرگە قول جەتكٸزۋگە مٷمكٸندٸك بەرەدٸ.
