Almaty oblysy «Sapaly bilim» nominatsiiasy boiynsha World Innovation Award 2024 júldesin jeńip alyp, halyqaralyq deńgeide tanyldy. Aimaq tabysty bilim berý jobalary men reformalarynyń arqasynda 128 el arasynda kósh bastady.
Negizgi jetistikter:
- Jańa mektepter: 19 mektep salyndy, 18 myń oqý orny quryldy.
- Jeke investitsiialar: jeke qarajat esebinen 5 zamanaýi mektep salyndy. Úsh aýysymda oqityn mektepter sany 52-den 39-ǵa deiin tómendedi.
- Halyqaralyq yntymaqtastyq: 12 oqýshy Qytaida oqýǵa grant aldy, sondai-aq Qonaevta sheteldik joǵary oqý oryndarynyń filialdaryn qurý týraly Memorandýmǵa qol qoiyldy.
- Talanttardy qoldaý: "50 tabysty mektep" baǵdarlamasy 42 myń oqýshy men 3 myńnan astam pedagogty qamtydy. 145 oqýshy olimpiadalardyń jeńimpazdary atandy, olardyń 14-i halyqaralyq baiqaýlarda medal aldy.
- Bilim berýge Investitsiialar: 207 mektepte 236 kabinet úshin jabdyq satyp alyndy. 2024 jyly materialdyq-tehnikalyq bazany jańartýǵa 590 mln teńge bólindi.
Nátijeler:
- Mektepterdiń jabdyqtalýy 75,5% — ǵa, oqýshylardyń bilim deńgeii 66,1% - ǵa deiin ósti.
- Olimpiada júldegerleriniń sany úsh jylda 45-ten 145-ke deiin ósti.
-Almaty oblysynyń komandasy jaratylystaný-matematikalyq baǵyt boiynsha respýblikalyq olimpiadada 2-shi orynǵa ie boldy.
Almaty oblysy bilim berýge belsendi investitsiia salýdy jalǵastyrýda. Bul halyqaralyq arenada joǵary nátijelerge qol jetkizýge múmkindik beredi.
