الماتى وبلىسىنىڭ الەۋمەتتىك-ەكونوميكالىق احۋالىن ءالى دە كوتەرۋ كەرەك. بۇل ماقساتتا وڭىردە وڭدەۋ ونەركاسىبى، ساۋدا، اۋىل شارۋاشىلىعى، كولىك جانە قۇرىلىس سالاسىنا باسىم نازار اۋدارۋ كەرەك. بۇل تۋرالى ءوڭىر باسىشىسى قانات بوزىمبايەۆ «Jetisý Media» اقپاراتتىق الاڭىندا وتكەن باسپا ءسوز ءماسليحاتىندا مالىمدەدى، – دەپ حابارلايدى Dalanews.kz.

– اۋىل شارۋاشىلىعى ونىمدەرىن شىعارۋ بويىنشا الماتى وبلىسى ەلىمىزدە 1ء-شى ورىندا. نەمەسە، حالىقتىڭ  14%  استىقپەن قامتاماسىز وتىر. جالپى، قانت، ءجۇزىم شىرىنى، كوكونىس، قۇس جانە مال ەتىن شىعارۋدان دا ءوڭىرىمىز ۇزدىكتەر قاتارىندا، – دەپ اتاپ ءوتتى ءوڭىر باسشىسى.

ايتا كەتۋ كەرەك، بۇگىندە وبلىستىڭ ينۆەستيسيالىق پورتفەلىندە جالپى سوماسى 2،8 تريلليون تەڭگە بولاتىن 289 جوبا بار. بۇل باستاما ناتيجەسىندە 19 مىڭ ادام جۇمىسپەن قامتىلعان.