قازاقستاندىق UFC سپورتشىسى شاۆكات راحمونوۆتىڭ جۇبايى جول-كولىك وقيعاسى بويىنشا كۇدىكتى دەپ تانىلدى. بۇل تۋرالى ىشكى ىستەر ءمينيسترىنىڭ ورىنباسارى سانجار ءادىلوۆ مالىمدەدى، دەپ حابارلايدى Dalanews.kz.
بۇعان دەيىن گۇلايىم راحمونوۆا اتالعان ءىس بويىنشا قورعانۋعا قۇقىعى بار كۋاگەر رەتىندە تىركەلگەن بولاتىن.
ەسكە سالايىق، گۇلايىم راحمونوۆا مەن ونىڭ ۇلى 2025 جىلى 27 شىلدەدە جول اپاتىنا تۇسكەن ەدى.
پوليسيانىڭ مالىمەتىنشە، رەسپۋبليكالىق ماڭىزى بار الماتى – ەكاتەرينبۋرگ اۆتوجولىنىڭ 299-شاقىرىمىندا Toyota Land Cruiser 200 كولىگىنىڭ جۇرگىزۋشىسى قاراعاندى وبلىسى باعىتىنان الماتىعا قاراي كەلە جاتىپ، رولگە يە بولا الماي، كولىكتى اۋدارىپ العان. جول اپاتى سالدارىنان ەكى ايەل قازا تاپقان.
بۇعان دەيىن ءادىلوۆ راحمونوۆتىڭ جۇبايىنا قاتىستى جول اپاتىن تەرگەۋ اياقتالۋعا جاقىن ەكەنىن حابارلاعان ەدى.
سەنات كۋلۋارىندا جۋرناليستەردىڭ سۇراقتارىنا جاۋاپ بەرگەن ول، اتالعان قىلمىستىق ءىستىڭ قازاقستان رەسپۋبليكاسىنىڭ قىلمىستىق كودەكسىنىڭ 345-بابى، 3-بولىگى بويىنشا تەرگەلىپ جاتقانىن ەسكە سالدى.
«ءقازىر تەرگەۋ ارەكەتتەرىنىڭ باسىم بولىگى اياقتالدى، سوڭعى كەشەندى اۆتوتەحنيكالىق ساراپتامانىڭ قورىتىندىسىن كۇتىپ وتىرمىز. ناتيجەلەرگە سايكەس ايىپ تاعۋ جانە ءىستى سوتقا جولداۋ تۋرالى شەشىم قابىلدايمىز»، - دەدى ىشكى ىستەر ءمينيسترىنىڭ ورىنباسارى سانجار ءادىلوۆ.
