الماتى ەكٸمٸنە الماتى حالىقارالىق ەۋەجايى مەن ٸرگەلەس اۋماقتىڭ كٶلٸك ينفراقۇرىلىمىن دامىتۋدىڭ 2050 جىلعا دەيٸنگٸ پەرسپەكتيۆاسى جايلى شەبەرلٸك-جوسپارى تانىستىرىلدى. بۇل قۇجات قالا باسشىسىنىڭ تاپسىرماسىمەن الماتىنىڭ باس جوسپارىمەن ٷيلەسۋٸ ماڭىزدى.
شەبەرلٸك-جوسپارىنىڭ بٸرٸنشٸ كەزەڭٸ جاڭا جولاۋشىلار تەرمينالىن سالۋدى جەنە قولدانىستاعى تەرمينالدى جاڭعىرتۋدى كٶزدەيدٸ.
بٷگٸنگٸ تاڭدا ۇشاققا شىعاتىن جولدار كەڭەيتٸلٸپ, قوسىمشا اۋا باپتاۋ جٷيەسٸ جٶندەلٸپ, جايلى اۆتوبۋستار ساتىپ الىنۋدا. بۇدان باسقا ەۋەجايدىڭ حالىقارالىق باعىتتارىن كٶبەيتۋ, جاڭا عيماراتتار سالۋ, اۆتوتۇراق ايماعىن كەڭەيتۋ دە نازاردان تىس قالماعان.
كەزدەسۋدە ەۋەجاي باسشىسى بارلىق باعىت بويىنشا قۇرىلىس جۇمىستارى قارقىندى جٷرٸپ جاتقانىن جەتكٸزدٸ. ونىڭ ايتۋىنشا, قازٸر جاڭا جولاۋشىلار تەرمينالى 80%-عا دايىن. ەستاكادانى, ۇشۋ-قونۋ جولاعىن جەنە ۆوكزال ماڭى اۋماعىن قايتا جاڭارتۋ جالعاسىپ جاتىر.
ەۋە ايلاعىندا جٷرٸپ جاتقان جۇمىستار جايىندا ايتقٶان الپ ەر تۋنگا ەرسوي ەكٸمگە جٷك تاسىمالىنىڭ ٶسٸپ وتىرعانىن حابارلادى. بيىل جىل سوڭىنا دەيٸن 9-ميلليون جولاۋشى تٸركەلەتٸنٸن دە بولجاپ وتىرعاندارىن جەتكٸزدٸ.
ٶز كەزەگٸندە ەربولات دوساەۆ جولاۋشىلار سانىنىڭ ەدەۋٸر ارتۋىنا بايلانىستى قۇرىلىس جۇمىستارىن جەدەلدەتۋگە نازار اۋدارۋ كەرەك ەكەنٸن تٸلگە تيەك ەتتٸ. ال ەۋەجاي باسشىسى جاڭا تەرمينالدى ٸسكە قوسۋ جازعى ماۋسىمنىڭ باسىندا, دەمالىس كەزەڭٸنە دەيٸن اياقتايتىنىن العا تارتتى.
ەستەرٸڭٸزگە سالا كەتەيٸك, جاڭا حالىقارالىق جولاۋشىلار تەرمينالىنىڭ اۋدانى 53,500 م2. بۇل – تەرمينالدى ٸسكە قوسۋ ەۋەجايدىڭ ٶتكٸزۋ قابٸلەتٸن جىلىنا 7-14 ميلليون ادامعا دەيٸن ارتتىرۋعا, قالا تۇرعىندارى مەن قوناقتارى ٷشٸن مەيلٸنشە قولايلى جاعداي جاساۋعا, سونىمەن بٸرگە الماتىنىڭ بٷكٸل ورتالىق ازيياداعى كٶلٸك-لوگيستيكالىق حاب رەتٸندەگٸ پوزيتسيياسىن نىعايتۋعا مٷمكٸندٸك بەرەدٸ.
