Almaty ákimine Almaty halyqaralyq áýejaiy men irgeles aýmaqtyń kólik infraqurylymyn damytýdyń 2050 jylǵa deiingi perspektivasy jaily sheberlik-jospary tanystyryldy. Bul qujat qala basshysynyń tapsyrmasymen Almatynyń Bas josparymen úilesýi mańyzdy.
Sheberlik-josparynyń birinshi kezeńi jańa jolaýshylar terminalyn salýdy jáne qoldanystaǵy terminaldy jańǵyrtýdy kózdeidi.
Búgingi tańda ushaqqa shyǵatyn joldar keńeitilip, qosymsha aýa baptaý júiesi jóndelip, jaily avtobýstar satyp alynýda. Budan basqa áýejaidyń halyqaralyq baǵyttaryn kóbeitý, jańa ǵimarattar salý, avtoturaq aimaǵyn keńeitý de nazardan tys qalmaǵan.
Kezdesýde áýejai basshysy barlyq baǵyt boiynsha qurylys jumystary qarqyndy júrip jatqanyn jetkizdi. Onyń aitýynsha, qazir jańa jolaýshylar terminaly 80%-ǵa daiyn. Estakadany, ushý-qoný jolaǵyn jáne vokzal mańy aýmaǵyn qaita jańartý jalǵasyp jatyr.
Áýe ailaǵynda júrip jatqan jumystar jaiynda aitqóan Alp Er Týnga Ersoi ákimge júk tasymalynyń ósip otyrǵanyn habarlady. Biyl jyl sońyna deiin 9-million jolaýshy tirkeletinin de boljap otyrǵandaryn jetkizdi.
Óz kezeginde Erbolat Dosaev jolaýshylar sanynyń edáýir artýyna bailanysty qurylys jumystaryn jedeldetýge nazar aýdarý kerek ekenin tilge tiek etti. Al áýejai basshysy jańa terminaldy iske qosý jazǵy maýsymnyń basynda, demalys kezeńine deiin aiaqtaitynyn alǵa tartty.
Esterińizge sala keteiik, jańa halyqaralyq jolaýshylar terminalynyń aýdany 53,500 m2. Bul – terminaldy iske qosý áýejaidyń ótkizý qabiletin jylyna 7-14 million adamǵa deiin arttyrýǵa, qala turǵyndary men qonaqtary úshin meilinshe qolaily jaǵdai jasaýǵa, sonymen birge Almatynyń búkil Ortalyq Aziiadaǵy kólik-logistikalyq hab retindegi pozitsiiasyn nyǵaitýǵa múmkindik beredi.
