الماسبەك سادىرباي ءىسى بويىنشا سوت پروسەسى باستالدى. بەلسەندى قاماۋداعى جاعدايعا شاعىمداندى، دەپ حابارلايدى Dalanews.kz.

جۋرناليست ۆاديم بورەيكو قوعام بەلسەندىسى، «شاڭىراق» قوعامدىق بىرلەستىگىنىڭ جەتەكشىسى الماسبەك سادىرباي قاتىستى سوت وتىرىسى باستالعانىن حابارلادى.

ونىڭ ايتۋىنشا، بەلسەندى وزىنە حات جولداعان. حاتتىڭ شىنايى اۆتورى الماسبەك سادىرباي ەكەنى ادۆوكات انار قۇسايىنوۆا ارقىلى راستالعان – ول جازۋدى تانىعان.

جولدانعان حاتتا بەلسەندى الماتىداعى №72 تەرگەۋ يزولياتورىنىڭ جاعدايىنا شاعىم بىلدىرگەن. اتاپ ايتقاندا، تاماقتىڭ ساپاسى مەن جەتكىلىكتىلىگىنە، ايىپتالۋشىلاردىڭ كۇندەلىكتى سەرۋەنگە ۋاقىتىلى شىعارىلمايتىنىنا، سونداي-اق شاحمات پەن شاشكي سەكىلدى ۇستەل ويىندارىن پايدالانۋعا رۇقسات بەرىلمەيتىنىنە نارازىلىق ايتىلعان.

وسى جاعدايلارعا بايلانىستى الماسبەك سادىرباي اشتىق جاريالايتىنىن مالىمدەگەن.

ەسكە سالايىق، ءىس بويىنشا تەرگەۋ بىلتىر 6 قاراشادا اياقتالعان بولاتىن.

ال 2024 جىلدىڭ 6 قاراشاسىندا قارجى مونيتورينگى اگەنتتىگى «شاڭىراق» قوعامدىق بىرلەستىگىنىڭ ءتوراعاسى الماسبەك سادىربايعا قاتىستى مالىمدەمە تاراتقان بولاتىن.

وندا ول 1،2 ملرد تەڭگە كولەمىندەگى اۋىل شارۋاشىلىعى سۋبسيديالارىن جىمقىردى جانە الاياقتىق جاسادى دەگەن كۇدىككە ىلىنگەنى حابارلانعان.