Almasbek Sadyrbai isi boiynsha sot protsesi bastaldy. Belsendi qamaýdaǵy jaǵdaiǵa shaǵymdandy, dep habarlaidy Dalanews.kz.
Jýrnalist Vadim Boreiko qoǵam belsendisi, «Shańyraq» qoǵamdyq birlestiginiń jetekshisi Almasbek Sadyrbai qatysty sot otyrysy bastalǵanyn habarlady.
Onyń aitýynsha, belsendi ózine hat joldaǵan. Hattyń shynaiy avtory Almasbek Sadyrbai ekeni advokat Anar Qusaiynova arqyly rastalǵan – ol jazýdy tanyǵan.
Joldanǵan hatta belsendi Almatydaǵy №72 tergeý izoliatorynyń jaǵdaiyna shaǵym bildirgen. Atap aitqanda, tamaqtyń sapasy men jetkiliktiligine, aiyptalýshylardyń kúndelikti serýenge ýaqytyly shyǵarylmaitynyna, sondai-aq shahmat pen shashki sekildi ústel oiyndaryn paidalanýǵa ruqsat berilmeitinine narazylyq aitylǵan.
Osy jaǵdailarǵa bailanysty Almasbek Sadyrbai ashtyq jariialaitynyn málimdegen.
Eske salaiyq, is boiynsha tergeý byltyr 6 qarashada aiaqtalǵan bolatyn.
Al 2024 jyldyń 6 qarashasynda Qarjy monitoringi agenttigi «Shańyraq» qoǵamdyq birlestiginiń tóraǵasy Almasbek Sadyrbaiǵa qatysty málimdeme taratqan bolatyn.
Onda ol 1,2 mlrd teńge kólemindegi aýyl sharýashylyǵy sýbsidiialaryn jymqyrdy jáne alaiaqtyq jasady degen kúdikke ilingeni habarlanǵan.
