قارجىلىق مونيتورينگ اگەنتتىگى الماتى وبلىسى بويىنشا دەپارتامەنتى وبلىستىق پروكۋراتۋرامەن بىرلەسىپ، "شاڭىراق" قوعامدىق بىرلەستىگىنىڭ باسشىسى الماسبەك سادىربايەۆتىڭ اسا ءىرى مولشەردە الاياقتىق ارەكەتىن اشكەرەلەدى، - دەپ حابارلايدى Dalanews.kz.

ول ءوزى باسقاراتىن ادامدار توبى بالقاش، ەڭبەكشىقازاق، كەگەن، رايىمبەك جانە ۇيعىر اۋداندارىندا جالعان اۋىل شارۋاشىلىعى كووپەراتيۆتەرىن قۇردى دەگەن كۇدىككە ىلىنگەن.

نەگىزگى ماقسات - ۇساق مالدىڭ انالىق باسىن ۇرىقتاندىرۋعا سۋبسيديالاردى زاڭسىز الۋ جانە جەمشوپ شىعىندارىن وتەۋ.

بۇل ءۇشىن زاڭناماعا قايشى اۋىلشارۋاشىلىق جەرلەرى جوق شارۋا قوجالىقتارى تارتىلدى.

بۇدان ءارى جالعان كاداسترلىق نومىرلەردى كورسەتە وتىرىپ، دايەكسىز مالىمەتتەردى قامتيتىن سۋبسيديالار الۋعا وتىنىمدەر قاشىقتان بەرىلدى.

بۇل رەتتە اۋىل شارۋاشىلىعى كووپەراتيۆتەرى باسشىلارىن حاباردار ەتپەي، ولاردىڭ ەسق-سى پايدالانىلدى. وسىلايشا 1،2 ملرد تەڭگەدەن استام قاراجات ۇرلانعان.

الماسبەك سادىربايەۆ ۇستالدى. ونىڭ سىبايلاسى تەرگەۋ سوتىنىڭ سانكسياسىمەن ءۇي قاماۋىندا.

قپك-نىڭ 201-بابىنا سايكەس وزگە دە مالىمەتتەر جاريا ەتىلۋگە جاتپايدى.