قازاقستانداعى تۇڭعىش تەحنيكالىق زەرتتەۋ ۋنيۆەرسيتەتى – ساتبايەۆ ۋنيۆەرسيتەتىنىڭ 90 جىلدىعىنا جانە قازاقتىڭ ۇلى عالىمى قانىش ساتبايەۆتىڭ 125 جىلدىعىنا ارنالعان سالتاناتتى ءىس-شارا بارىسىندا Allur قازاقستاندىق اۆتوموبيل كومپانياسىنىڭ عىلىمي-زەرتتەۋ جوبالارىنىڭ جەتەكشىسى ايگۇل احمەتوۆا عىلىم مەن ءبىلىمدى دامىتۋعا قوسقان ۇلەسى ءۇشىن ساتبايەۆ اتىنداعى مەدالمەن ماراپاتتالدى، دەپ حابارلايدى Dalanews.kz.
بۇل ماراپات ۋنيۆەرسيتەتتىڭ ستراتەگيالىق سەرىكتەستەرىنە تابىستالدى. ولار تەك ەلدىڭ ونەركاسىبىن دامىتىپ قانا قويماي، بولاشاق مامانداردى دايارلاۋعا بەلسەندى اتسالىسۋدا.
“بۇل ماراپات – ادام كاپيتالىن دامىتۋ جولىنداعى ورتاق ەڭبەگىمىزدىڭ ناتيجەسى. سونىمەن قاتار ءبىلىم بەرۋ ۇيىمدارىمەن ساپالى ىنتىماقتاستىق ورناتقان Allur جوعارى ينجەنەرلىك مەكتەبىنىڭ ءۇش جىلدىق جۇمىسىنىڭ جەمىسى. اتالعان قۇرىلىمنىڭ ناقتى ناتيجە كورسەتىپ جاتقانىنا قۋانىشتىمىز. بۇل ءتاسىل ينجەنەرلىك-تەحنيكالىق كادرلاردى دايارلاۋدىڭ ۇلتتىق ۇلگىسىنىڭ نەگىزى بولماق”، — دەپ اتاپ ءوتتى ايگۇل ساپارعالي قىزى.
Allur — كادرلاردى زاماناۋي جەرگىلىكتى قاجەتتىلىكتەر ءۇشىن عانا ەمەس، بولاشاق يننوۆاسيالىق ەكونوميكاعا دا بەيىمدەپ دايارلايتىن تۇتاس مودەل قۇرۋعا ۇمتىلعان العاشقى قازاقستاندىق كومپانيالاردىڭ ءبىرى. كومپانيانىڭ ينجەنەرلەردى ءۇش باعىت بويىنشا دايارلاۋدى كوزدەيدى. اتاپ ايتاتىن بولساق، عىلىم ينجەنەرى، ءوندىرىس ينجەنەرى جانە كاسىپكەر ينجەنەر. بۇل مودەل ءبىلىم بەرۋدىڭ مەكتەپ دەڭگەيىنەن باستاپ قولدانبالى عىلىمعا دەيىنگى بارلىق كەزەڭىن قامتيدى.
بۇگىندە كومپانيانىڭ ءبىرقاتار جەتىستىگى بار:
— ستۋدەنتتەردىڭ تەوريالىق ءبىلىمىن پراكتيكالىق داعدىلارمەن ۇشتاستىرۋعا مۇمكىندىك بەرەتىن دۋالدى ءبىلىم بەرۋ جۇيەسىن ەنگىزۋ؛
— ستۋدەنتتەردىڭ ديپلومدىق جوبالارىن ناقتى وندىرىستەگى تاجىريبەگە سۇيەنە وتىرىپ ازىرلەۋ.
سونىمەن قاتار ايگۇل احمەتوۆا ءبىلىم بەرۋ سالاسىنىڭ جاھاندىق كوشباسشىلارىمەن ينتەگراسيا جاساۋ جاڭا سەرپىن بەرەتىنىن ايتا وتىرىپ، Allur كومپانياسى حالىقارالىق تاجىريبەنى بەلسەندى تۇردە تارتاتىنىن اتاپ ءوتتى. بۇگىندە كومپانيا قازاقستاندا كورەي ۋنيۆەرسيتەتتەرىنىڭ فيليالدارىن اشۋ بويىنشا جۇمىس ىستەپ جاتىر. مۇنداي فيليالداردىڭ ءبىرى قوستاناي وبلىسىندا احمەت بايتۇرسىن ۇلى اتىنداعى قوستاناي وڭىرلىك ۋنيۆەرسيتەتى بازاسىندا ەكىنشى جىل جۇمىس ىستەسە، ەندى رۋدنىي يندۋستريالىق ينستيتۋتى بازاسىندا فيليال اشۋ جوسپارلانۋدا.
بۇل باستامالار ءوڭىردىڭ ءبىلىم بەرۋ الەۋەتىن نىعايتىپ، جاڭا وندىرىستىك ريەۆوليۋسيا جاعدايىندا جۇمىس ىستەي الاتىن بىلىكتى مامانداردى دايىنداۋعا بەرىك نەگىز قالىپتاستىرادى.
پرەزيدەنت قازاقستان حالقىنا ارناعان جولداۋىندا 2025 جىلدى “جۇمىسشى ماماندىقتارى جىلى” دەپ جاريالادى. بۇل Allur كومپانياسىنىڭ نەگىزگى ماقساتتارىنىڭ بىرىنە سايكەس كەلەدى. ناقتىراق ايتساق، ءبىز دە ەل ەكونوميكاسىنىڭ سۇرانىسىنا ساي كەلەتىن ءارى قازاقستاننىڭ بولاشاعىن ايقىندايتىن كادرلاردى دايىنداۋعا جۇمىس ىستەيمىز.
“الەم جاڭا تەحنولوگيالارعا بەت بۇرىپ كەلەدى، ال ەلدىڭ بولاشاعى بىلىكتى ينجەنەرلەرگە بايلانىستى. سوندىقتان Allur بىرەگەي ۇلتتىق ۇلگىنى دامىتا وتىرىپ، ءبىلىم بەرۋ قۇرىلىمدارىمەن ينتەگراسيانى جالعاستىرادى”، — دەيدى Allur كومپانياسى ديرەكتورلار كەڭەسى ءتوراعاسىنىڭ كەڭەسشىسى.
Allur كومپانياسىنىڭ عىلىم مەن ءبىلىمدى دامىتۋعا قوسقان ۇلەسى ەلدەگى جەتەكشى ۋنيۆەرسيتەتتەردىڭ ءبىرى Satbayev Universityء-دىڭ مەرەيتويىندا اتالىپ ءوتۋى — بۇل ونەركاسىپ، ءبىلىم جانە يننوۆاسيا اراسىنداعى بايلانىستى نىعايتۋداعى ماڭىزدى جۇمىستىڭ ناتيجەسى. سونىمەن قاتار بۇل ەل دامۋىنىڭ جاڭا باعىتىن ايقىنداۋعا مۇمكىندىك بەرەدى.
