الماتى وبلىسىنىڭ قاراساي اۋدانارالىق ەكٸمشٸلٸك قۇقىق بۇزۋشىلىقتار جٶنٸندەگٸ مامانداندىرىلعان سوتىندا ٶزٸن الىپ قاشتى دەپ جالعان ۆيدەو تٷسٸرگەن قىزعا قاتىستى ەكٸمشٸلٸك ٸس قارالدى, دەپ حابارلايدى Dalanews.kz.
2026 جىلعى 15 قاڭتاردا شامامەن ساعات 20:00-دە قىز «TikTok» ەلەۋمەتتٸك جەلٸسٸندە ٶزٸنە قاتىستى ۇرلاپ كەتۋ فاكتٸسٸ ورىن العانى جٶنٸندە بەينە جازبانى جارييالاعانى انىقتالدى.
اتالعان بەينەجازبا ەلەۋمەتتٸك جەلٸ پاراقشاسىندا تارالىپ, قىزدى مەجبٷرلەپ نەكەگە تۇرعىزۋ بەلگٸلەرٸ بار بەينەماتەريال رەتٸندە ۇسىنىلعان.
سوت وتىرىسىندا ازاماتشا ك. ٶز كٸنەسٸن تولىق مويىنداپ, بەينەجازبانى كٶپ قارالىم جيناۋ ماقساتىندا سالعانىن, جاساعان ەرەكەتٸنە ٶكٸنەتٸنٸن تٷسٸندٸردٸ.
ٸس ماتەريالدارىن زەردەلەي كەلە, سوت ازاماتشا ك.-نىڭ ەرەكەتتەرٸندە قىلمىستىق قۇقىق بۇزۋشىلىق بەلگٸلەرٸ جوق, الايدا ەكٸمشٸلٸك قۇقىق بۇزۋشىلىق قۇرامى بار دەگەن قورىتىندىعا كەلدٸ.
سوت قاۋلىسىمەن ازاماتشا ك. قازاقستان رەسپۋبليكاسىنىڭ ەقبتك-نٸڭ 456-2-بابىنىڭ 3-بٶلٸگٸ بويىنشا كٸنەلٸ دەپ تانىلىپ, 20 ايلىق ەسەپتٸك كٶرسەتكٸش مٶلشەرٸندە ەكٸمشٸلٸك ايىپپۇل سالىندى.
ۆيدەو اۆتورى ەكٸمشٸلٸك قۇقىق بۇزۋشىلىقتى العاش رەت جاساعانى جەنە جاساعان ەرەكەتٸنە ٶكٸنەتٸنٸن ەسكەرە وتىرىپ, ايىپپۇل سوماسى 30 پايىزعا قىسقارتىلىپ, تٷپكٸلٸكتٸ تٶلەيتٸن سوما 60 550 تەڭگەنٸ قۇرادى.
قاۋلى زاڭدا كٷشٸنە ەنگەن جوق.
