Almaty oblysynyń Qarasai aýdanaralyq ákimshilik quqyq buzýshylyqtar jónindegi mamandandyrylǵan sotynda ózin alyp qashty dep jalǵan video túsirgen qyzǵa qatysty ákimshilik is qaraldy, dep habarlaidy Dalanews.kz.
2026 jylǵy 15 qańtarda shamamen saǵat 20:00-de qyz «TikTok» áleýmettik jelisinde ózine qatysty urlap ketý faktisi oryn alǵany jóninde beine jazbany jariialaǵany anyqtaldy.
Atalǵan beinejazba áleýmettik jeli paraqshasynda taralyp, qyzdy májbúrlep nekege turǵyzý belgileri bar beinematerial retinde usynylǵan.
Sot otyrysynda azamatsha K. óz kinásin tolyq moiyndap, beinejazbany kóp qaralym jinaý maqsatynda salǵanyn, jasaǵan áreketine ókinetinin túsindirdi.
Is materialdaryn zerdelei kele, sot azamatsha K.-nyń áreketterinde qylmystyq quqyq buzýshylyq belgileri joq, alaida ákimshilik quqyq buzýshylyq quramy bar degen qorytyndyǵa keldi.
Sot qaýlysymen azamatsha K. Qazaqstan Respýblikasynyń ÁQBtK-niń 456-2-babynyń 3-bóligi boiynsha kináli dep tanylyp, 20 ailyq eseptik kórsetkish mólsherinde ákimshilik aiyppul salyndy.
Video avtory ákimshilik quqyq buzýshylyqty alǵash ret jasaǵany jáne jasaǵan áreketine ókinetinin eskere otyryp, aiyppul somasy 30 paiyzǵa qysqartylyp, túpkilikti tóleitin soma 60 550 teńgeni qurady.
Qaýly zańda kúshine engen joq.
